গুৱাহাটীঃ ভাৰতীয় আভ্যন্তৰীণ জলপথ কৰ্তৃপক্ষই ব্ৰহ্মপুত্ৰ ক্ৰেকাৰ এণ্ড পলিমাৰ লিমিটেড (বিচিপিএল) আৰু নুমলীগড় শোধনাগাৰ লিমিটেডৰ সৈতে বুজাবুজিৰ চুক্তিত স্বাক্ষৰ কৰিছে বুলি কেন্দ্ৰীয় বন্দৰ, জাহাজ আৰু জলপথ আৰু আয়ুষ মন্ত্ৰী সৰ্বানন্দই প্ৰকাশ কৰে সোণোৱাল। বিচিপিএলে হালদিয়া ডক কমপ্লেক্স (এইচডিচি)ৰ পৰা ডিব্ৰুগড়ৰ লেপেটকাটাত থকা বিচিপিএল কমপ্লেক্সলৈ নাফ্থা, প্ৰপেন, পেণ্টেন আদি ফিডষ্টক স্থানান্তৰৰ বাবে সুশৃংখলিত লজিষ্টিক চেইনৰ বাবে বুজাবুজি চুক্তি স্বাক্ষৰ কৰিছে। আনহাতে এন আৰ এলে আমেৰিকাৰ পৰা ব্ৰহ্মপুত্ৰ আৰু ধনশিৰি নদীৰ মাজেৰে নুমলীগড়ৰ এন আৰ এল কমপ্লেক্সলৈ সামগ্ৰী আৰু সা-সৰঞ্জাম পৰিবহণৰ বাবে বুজাবুজি চুক্তি স্বাক্ষৰ কৰিছে। ইয়াৰ বাবে ভাৰতীয় ড্ৰেজিং কৰ্পৰেশ্যনে মাৰ্চ মাহৰ পৰা ধনশিৰি নদীৰ ড্ৰেজিং আৰম্ভ কৰিব বুলি সোণোৱালে জানিবলৈ দিয়ে।
