গুৱাহাটী: অসমকে ধৰি উত্তৰ-পূবৰ আঠখন ৰাজ্য সামৰি চিবিএছইৰ গুৱাহাটী অঞ্চলে ২০২৬ চনৰ ছিনিয়ৰ স্কুল চাৰ্টিফিকেট পৰীক্ষা (দ্বাদশ শ্ৰেণী)ত ৰাষ্ট্ৰীয় সফলতাৰ হাৰ ৮৮.৩৯ শতাংশৰ বিপৰীতে ৮৩.৪১ শতাংশ সফলতা লাভ কৰে।গুৱাহাটী অঞ্চল সৰ্বভাৰতীয় পৰ্যায়ত ১৪ নম্বৰ স্থানত আছে। ত্ৰিবেন্দ্ৰমে ৯৫.৬২ শতাংশ, চেন্নাই ৯৩.৮৪ শতাংশ আৰু বেংগালুৰু ৯৩.১৯ শতাংশৰে শীৰ্ষস্থান দখল কৰে। তালিকাৰ তলত আছে ৭২.৪৩ শতাংশ প্ৰয়াগৰাজ অঞ্চল।
তালিকাত Thiruvananthapuram (ত্ৰিভান্দ্ৰম) অঞ্চল ৯৫.৬২ শতাংশ উত্তীৰ্ণৰ হাৰে শীৰ্ষস্থান দখল কৰিছে। ইয়াৰ পিছতে আছে চেন্নাই ৯৩.৮৪ শতাংশ আৰু বেংগালুৰু ৯৩.১৯ শতাংশ উত্তীৰ্ণৰ হাৰে। আনহাতে তালিকাৰ অন্তিম স্থানত আছে প্ৰয়াগৰাজ , য’ত উত্তীৰ্ণৰ হাৰ ৭২.৪৩ শতাংশ।
গুৱাহাটীৰ পৰীক্ষাত অৱতীৰ্ণ হোৱা ৫৬,৯৪৯ জন শিক্ষাৰ্থীৰ ভিতৰত ৪৭,৪৯৯ জন উত্তীৰ্ণ হৈছে। এই অঞ্চলত ছাত্ৰীৰ উত্তীৰ্ণৰ হাৰ ৮৫.২৪ শতাংশ, আনহাতে ছাত্ৰৰ উত্তীৰ্ণৰ হাৰ ৮১.৫৯ শতাংশ।
গুৱাহাটীৰ অন্তৰ্গত অসমত ২০২৬ চনৰ CBSE দ্বাদশ শ্ৰেণীৰ পৰীক্ষাত উত্তীৰ্ণৰ হাৰ ৮৫.৬৬ শতাংশ লিপিবদ্ধ হৈছে। পৰীক্ষাত অৱতীৰ্ণ হোৱা ১৮,২৩৭ জন শিক্ষাৰ্থীৰ ভিতৰত ১৫,৬২১ জন উত্তীৰ্ণ হৈছে।
অসমতো ছাত্ৰীয়ে ছাত্ৰতকৈ উন্নত ফলাফল প্ৰদৰ্শন কৰিছে। ছাত্ৰীৰ উত্তীৰ্ণৰ হাৰ ৮৮.১৬ শতাংশ, আনহাতে ছাত্ৰৰ উত্তীৰ্ণৰ হাৰ ৮৩.৪৫ শতাংশ।
অসমত জৱাহৰ নৱোদয় বিদ্যালয় (JNV) বিদ্যালয়সমূহে ৯৭.৯৫ শতাংশ উত্তীৰ্ণৰ হাৰে শীৰ্ষস্থান লাভ কৰিছে। ইয়াৰ পিছতে আছে কেন্দ্ৰীয় বিদ্যালয়ে (KV) ৯৭.৭৭ শতাংশ, চৰকাৰী বিদ্যালয় ৯০.৯৮ শতাংশ, Eklavya Model Residential School (EMRS) ৮৪.৬২ শতাংশ আৰু স্বতন্ত্ৰ বিদ্যালয়সমূহ ৮৩.৪৭ শতাংশ উত্তীৰ্ণৰ হাৰে।
অধিক পঢ়ক - ৰিণিকি ভূঞা শৰ্মাৰ দাখিল কৰা গোচৰৰ সন্দৰ্ভত গুৱাহাটী অপৰাধ শাখাত হাজিৰ পৱন খেৰা
