গুৱাহাটী: প্ৰ’ টেম স্পীকাৰ চন্দ্ৰমোহন পাটোৱাৰীয়ে আজি অসম বিধানসভাৰ ১২৪ জন নতুনকৈ নিৰ্বাচিত সদস্যক শপত গ্ৰহণ কৰালে। AIUDF বিধায়ক বদৰুদ্দিন আজমল ব্যক্তিগত কাৰণৰ বাবে সদনত উপস্থিত নাছিল।
উল্লেখযোগ্য যে, আজি শপত গ্ৰহণ কৰা ১২৪ জন বিধায়কৰ ভিতৰত ৪৭ গৰাকী এইবাৰ প্ৰথমবাৰলৈ বিধানসভালৈ নিৰ্বাচিত হোৱা প্ৰাৰ্থী। শপত গ্ৰহণৰ ক্ষেত্ৰত কেৱল অষ্টম অনুসূচীত ভাষাৰ বাধ্যবাধকতাৰ পৰা সৰি আহি সদনে সদস্যসকলক নিজৰ মাতৃভাষাত শপত গ্ৰহণ কৰাৰ অনুমতি দিছিল, যি ৰাজ্যৰ বিধানসভাৰ ইতিহাসত এক নতুন অধ্যায় সৃষ্টি কৰিলে। সদস্যসকলে অসমীয়া, বাংলা, হিন্দী, সংস্কৃত, কাৰবি, ৰাভা, ৰাজবংশী আদি ভাষাত শপত গ্ৰহণ কৰিলে।
মুখ্যমন্ত্ৰী ড° হিমন্ত বিশ্ব শৰ্মাই- প্ৰথমে বিধায়ক হিচাপে শপত গ্ৰহণ কৰে। তাৰ পিছত চাৰিজন মন্ত্ৰীয়ে শপত লয়। শপত গ্ৰহণ বিধানসভাৰ সদস্যসকলৰ জ্যেষ্ঠতাৰ ভিত্তিত অনুষ্ঠিত কৰা হয়।
মুখ্যমন্ত্ৰী আৰু অন্যান্য মন্ত্ৰীসকলৰ পিছত পাঁচবাৰকৈ নিৰ্বাচিত বিধায়কসকলে শপত লয়, তাৰ পিছত চাৰিবাৰ, তিনিবাৰ আৰু দুবাৰকৈ নিৰ্বাচিত বিধায়কসকলে শপত গ্ৰহণ কৰে। শেষত ৪৭ জন নতুন বিধায়ক, যাৰ ভিতৰত পাঁচগৰাকী মহিলাও আছিল যিয়ে কালি শপত লয়।
ভাষাৰ ব্যৱহাৰ সম্পৰ্কে মুখ্যমন্ত্ৰীয়ে পাছত কয় যে কিছুমান বিধায়কে নিজৰ মাতৃভাষাত শপত ল’বলৈ অনুৰোধ কৰিছিল। সংবিধান অনুসৰি অষ্টম অনুসূচীত ভাষাৰ বাহিৰে অন্য ভাষাত শপত ল’বলৈ অনুমতি নাই যদিও স্থানীয় ভাষাক সন্মান জনাই প্ৰ’ স্পীকাৰ আৰু চাৰিজন মন্ত্ৰীৰ সৈতে আলোচনা কৰি এই সিদ্ধান্ত গ্ৰহণ কৰা হয়।
