গুৱাহাটীঃ গুৱাহাটী চাহ নিলাম কেন্দ্ৰত (GTAC) অনুষ্ঠিত Auction Sale No. 22-ত ঢেকিয়াজুলি চাহ বাগিচাৰ এক প্ৰিমিয়াম অসম CTC চাহে প্ৰতি কিলোগ্ৰামত ৰেকৰ্ড ৮০০ টকা মূল্য লাভ কৰে। এইটো বাগিচাখনৰ ইতিহাসত সৰ্বাধিক মূল্য বুলি জানিব পৰা গৈছে।
শোণিতপুৰ জিলাত অৱস্থিত আৰু পেৰি এগ্ৰো ইণ্ডাষ্ট্ৰীজ লিমিটেডৰ মালিকানাধীন এই চাহ বাগিচাখন উচ্চমানৰ ব্লেক CTC চাহৰ বাবে জনাজাত। ইয়াৰ চাহত সমৃদ্ধ কেৰামেলৰ সোৱাদ আৰু উজ্জ্বল এম্বাৰ ৰং দেখা যায়।
অসমৰ মুখ্যমন্ত্ৰী ড° হিমন্ত বিশ্ব শৰ্মাই X-ত কয় যে এই ৰেকৰ্ড মূল্যে বিশ্ববজাৰত অসম চাহৰ চাহিদা বৃদ্ধি পোৱাৰ প্ৰতিফলন ঘটাইছে। লগতে তেওঁ চৰকাৰৰ ফালৰ পৰা চাহ উদ্যোগ অধিক শক্তিশালী কৰাৰ প্ৰতিশ্ৰুতি পুনৰ উল্লেখ কৰে।
চাহ উদ্যোগৰ প্ৰতিনিধিসকলে কয় যে প্ৰিমিয়াম মানৰ চাহৰ চাহিদা বৃদ্ধি পোৱাৰ ফলত GTAC-ত মূল্য অধিক উন্নত হৈছে। বিশ্বৰ অন্যতম বৃহৎ CTC চাহ নিলাম কেন্দ্ৰ হিচাপে GTAC-এ স্বচ্ছতা আৰু ন্যায্য মূল্য নিৰ্ধাৰণ নিশ্চিত কৰি আহিছে।
অধিকাৰীয়ে জনায় যে ২০২৫–২৬ বৰ্ষৰ আৰম্ভণিতে হুকমুল চাহ বাগিচাৰ চাহে প্ৰতি কিলোগ্ৰামত ৮৩১ টকাৰ ৰেকৰ্ড মূল্য লাভ কৰিছিল, যিটো GTAC-ত CTC চাহৰ বাবে সৰ্বাধিক মূল্য।
অধিক পঢ়ক - ‘ভূত জলকীয়া’ত কেঞ্চাৰ প্ৰতিৰোধী সম্ভাৱনা দেখা গৈছে: JNU-ৰ অধ্যাপক ৰামচিয়াৰী
