তেজপুৰ: ভূগোল বিভাগৰ উদ্যোগত তেজপুৰ মহাবিদ্যালয়ত মঙলবাৰৰ পৰা সাতদিনীয়া আন্তঃৰাষ্ট্ৰীয় ছাত্ৰ-শিক্ষক শৈক্ষিক বিনিময় কাৰ্যসূচী আৰম্ভ হৈছে।
এই কাৰ্যসূচীত ভূটানৰ ৰয়েল বিশ্ববিদ্যালয়ৰ ১৫ জনীয়া এটা প্ৰতিনিধি দলে অংশগ্ৰহণ কৰিছে। উদ্বোধনী অধিৱেশনখন চন্দ্ৰ মোহন মেধী প্ৰেক্ষাগৃহত অনুষ্ঠিত হয়, য’ত ছামচে কলেজ অৱ এডুকেচনৰ এটা দলো উপস্থিত আছিল। দলটোৰ নেতৃত্ব দিয়ে জ্যেষ্ঠ শিক্ষাবিদ কুয়েংজাং গ্যেল্টছেনে।
প্ৰতিনিধি দলটোত অধ্যাপক, প্ৰশাসনিক কৰ্মচাৰী আৰু গৱেষক ছাত্ৰ-ছাত্ৰীসকল অন্তৰ্ভুক্ত আছে।
অধিক পঢ়ক - তিনিচুকীয়াঃ আইচিএমআৰ প্ৰকল্পৰ অধীনত শদিয়া মহাবিদ্যালয়ত আয়োজন স্বাস্থ্য পৰীক্ষা শিবিৰ
