গুৱাহাটীঃ প্ৰাগজ্যোতিষ মহাবিদ্যালয়ৰ উদ্যোগত বৃহস্পতিবাৰে বৈজ্ঞানিক আৱৰ্জনা ব্যৱস্থাপনা আৰু বহনক্ষম উন্নয়নৰ ওপৰত গুৰুত্ব আৰোপ কৰি ১৬ সংখ্যক ভবানন্দ ডেকা সোঁৱৰণী বক্তৃতা অনুষ্ঠানৰ আয়োজন কৰে।
এই অনুষ্ঠানত আইচিএছএছআৰৰ পৃষ্ঠপোষকতাত "উত্তৰ-পূব ভাৰতৰ সৰু সৰু বনজ উৎপাদন: বিক্ষিত ভাৰতৰ পথ @২০৪৭" শীৰ্ষক আলোচনা চক্ৰৰ আধাৰত সম্পাদিত এখন গ্ৰন্থ উন্মোচন কৰা হয়।
বক্তৃতা প্ৰদান কৰি অৰূপ কুমাৰ মিশ্ৰই আৱৰ্জনা ব্যৱস্থাপনাৰ ক্ষেত্ৰত ব্যক্তিগত দায়বদ্ধতাৰ প্ৰয়োজনীয়তাৰ ওপৰত আলোকপাত কৰি নগৰীয়া পৰিৱেশ সম্পৰ্কীয় বহু সমস্যা মানৱসৃষ্ট বুলি ব্যক্ত কৰে। তেওঁ বৃত্তাকাৰ অৰ্থনীতিৰ পদ্ধতি, নিৰ্মাণ আৰু ভাঙি পেলোৱা আৱৰ্জনা নিয়ম, আৰু হাইড্ৰ’পনিক্সৰ দৰে উদীয়মান সমাধানৰ বিষয়ে আলোচনা কৰে। অনুষ্ঠানত মহাবিদ্যালয়ৰ অধ্যক্ষ, অধ্যাপক সদস্য, প্ৰাক্তন ছাত্ৰ-ছাত্ৰী আৰু ছাত্ৰ-ছাত্ৰীয়ে অংশগ্ৰহণ কৰে।
অধিক পঢ়ক - উত্তৰ-পূব সীমান্ত ৰেলৱেই ৰেলৱে হাস্পতাল উন্নীতকৰণ, স্বাস্থ্যসেৱাৰ সুবিধা সম্প্ৰসাৰণ
