গুৱাহাটীঃ অসম পৰ্যটন উন্নয়ন নিগম লিমিটেডে (ATDC) যোৱা পাঁচ বছৰত লাভ অৰ্জন কৰিবলৈ সক্ষম হৈছে। ২০২৪-২৫ বৰ্ষত সংস্থাটোৱে ২.৭৮ কোটি টকাৰ লাভ কৰিছে।
আৰ্থিক তথ্য অনুসৰি, ATDC-এ ২০২০-২১ বৰ্ষত ৭.৯১ কোটি টকাৰ লাভ কৰিছিল যদিও ২০২১-২২ বৰ্ষত ০.৩১ কোটি টকাৰ লোকচানৰ সন্মুখীন হৈছিল। পিছত ২০২২-২৩ বৰ্ষত পুনৰ ১.২০ কোটি টকা লাভ কৰে। ২০২৩-২৪ বৰ্ষত লাভ হয় ০.৯৮ কোটি টকা আৰু ২০২৪-২৫ বৰ্ষত লাভ বৃদ্ধি পাই ২.৭৮ কোটি টকালৈ উঠে।
এই তথ্যই দেখুৱাইছে যে, পৰ্যটন খণ্ডত পুনৰ গতি অহাৰ লগতে আতিথ্য সম্পদৰ উন্নত ব্যৱস্থাপনা আৰু কভিডৰ পিছত ভ্ৰমণ খণ্ড পুনৰুজ্জীৱিত হোৱাৰ ফলত ATDC-এ আৰ্থিক স্থিৰতা পুনৰ লাভ কৰিছে।
ইফালে, কেন্দ্ৰীয় চৰকাৰৰ বিভিন্ন আঁচনিৰ অধীনত অসমৰ পৰ্যটন আন্তঃগাঁথনি উন্নয়নৰ বাবে ৪৬৮ কোটিতকৈ অধিক টকাৰ আঠটা গুৰুত্বপূৰ্ণ প্ৰকল্প অনুমোদন কৰা হৈছে। এই প্ৰকল্পসমূহ পৰ্যটন মন্ত্ৰালয়ৰ স্বাধীন দৰ্শন, স্বাধীন দৰ্শন ২.০, চিবিডিডি, এছএএছচি I আৰু প্ৰশাদ (PRASHAD) আঁচনিৰ অন্তৰ্গত।
এই প্ৰকল্পসমূহৰ লক্ষ্য হৈছে বন্যপ্ৰাণী, ঐতিহ্য, ইক’ টুৰিজম আৰু তীৰ্থস্থানসমূহৰ উন্নয়নৰ জৰিয়তে অসমৰ পৰ্যটন খণ্ড অধিক শক্তিশালী কৰা।
স্বাধীন দৰ্শন (Swadesh Darshan) আঁচনিৰ অধীনত অসমত দুটা ডাঙৰ পৰ্যটন চাৰ্কিট সম্পূৰ্ণ কৰা হৈছে। বন্যপ্ৰাণী চাৰ্কিটৰ অন্তৰ্গত মানস ৰাষ্ট্ৰীয় উদ্যান, পবিতৰা বন্যপ্ৰাণী অভয়াৰণ্য, নামেৰী ৰাষ্ট্ৰীয় উদ্যান, কাজিৰঙা ৰাষ্ট্ৰীয় উদ্যান আৰু ডিব্ৰু-ছৈখোৱা ৰাষ্ট্ৰীয় উদ্যানৰ উন্নয়নৰ বাবে ২০১৫-১৬ বৰ্ষত ৯৪.৬৮ কোটি টকা অনুমোদন কৰা হৈছিল আৰু সম্পূৰ্ণ ধন ব্যৱহাৰ কৰা হৈছে।
একেদৰে, তেজপুৰ, মাজুলী আৰু শিৱসাগৰক সংযোগ কৰা ঐতিহ্য চাৰ্কিটৰ বাবে ৯০.৯৮ কোটি টকা অনুমোদন কৰা হৈছিল আৰু এই ধনো সম্পূৰ্ণ ব্যৱহাৰ কৰা হৈছে।
স্বাধীন দৰ্শন ২.০ (Swadesh Darshan 2.0) আঁচনিৰ অধীনত ২০২৩-২৪ বৰ্ষত দুটা নতুন পৰ্যটন অভিজ্ঞতা অনুমোদন লাভ কৰে। ইয়াৰ ভিতৰত কোকৰাঝাৰ জলাশয় (Kokrajhar Wetland)-ৰ বাবে ২৬.৬৮ কোটি টকা আৰু যোৰহাটৰ চিনামাৰা চাহ বাগিচা (Cinnamara Tea Estate) ৰ উন্নয়নৰ বাবে ২৩.৮৮ কোটি টকা অনুমোদন কৰা হয়।
CBDD আঁচনিৰ অধীনত ২০২৪-২৫ বৰ্ষত ইক’ টুৰিজম আৰু ‘অমৃত ধাৰোহৰ’ শ্ৰেণীত পানীদিহিং পক্ষী অভয়াৰণ্য-(Panidihing Bird Sanctuary)-ৰ উন্নয়নৰ বাবে ৯.৯৯ কোটি টকা অনুমোদন কৰা হৈছে।
আটাইতকৈ বেছি ধন SASCI আঁচনিৰ অধীনত অনুমোদন কৰা হৈছে। অসম ৰাজ্যিক চিৰিয়াখানা সহ উদ্ভিদ উদ্যানৰ আন্তঃগাঁথনি উন্নয়নৰ বাবে ৯৭.১২ কোটি টকা আৰু ৰংঘৰৰ সৌন্দৰ্যবৰ্ধনৰ বাবে ৯৪.৭৬ কোটি টকা অনুমোদন কৰা হৈছে।
PRASHAD আঁচনিৰ অধীনত কামাখ্যা মন্দিৰ (Kamakhya Temple) আৰু ইয়াৰ চাৰিওফালৰ তীৰ্থস্থানসমূহৰ উন্নয়নৰ বাবে ২৯.৮০ কোটি টকা অনুমোদন কৰা হৈছিল। এই সম্পূৰ্ণ ধন ইতিমধ্যে ব্যৱহাৰ কৰা হৈছে।
অধিক পঢ়ক - দশক পুৰণি অসমৰ নাৰ্ছিং প্ৰশিক্ষণ কেলেংকাৰিৰ তদন্তত নামিব CM’s Special Vigilance Cell
