গুৱাহাটী: মূল্যবৃদ্ধি আৰু অন্যান্য বিষয়ক লৈ আজিৰ অসম বিধানসভাত ৰাজ্যপালৰ ভাষণৰ সময়ত বিৰোধী সদস্যসকলে তীব্ৰ হুলস্থুল সৃষ্টি কৰে। কংগ্ৰেছ আৰু ৰাইজৰ দলৰ বিধায়কে পৃথক পৃথকভাৱে সদন ত্যাগ কৰে।
ৰাজ্যপাল লক্ষ্মণ প্ৰসাদ আচাৰ্যই ভাষণ আৰম্ভ কৰাৰ মাত্ৰ পাঁচ মিনিটৰ ভিতৰতে বিৰোধী সদস্যসকলে উঠি প্ৰতিবাদ আৰম্ভ কৰে। তেওঁলোকৰ মূল দাবী আছিল মূল্যবৃদ্ধি। তেওঁলোকে প্লে-কাৰ্ড লৈ সদনৰ মজিয়ালৈ গৈ শ্লোগান দিয়ে প্ৰায় দহ মিনিট ধৰি।
ইয়াৰ পিছতো ৰাজ্যপালে তেওঁৰ ভাষণ অব্যাহত ৰাখে।
কংগ্ৰেছৰ বিধায়কে তীব্ৰ প্ৰতিবাদ কৰি হুলস্থুলৰ মাজতে সদন ত্যাগ কৰে।
আনহাতে, ৰাইজৰ দলৰ অখিল গগৈ সদনৰ ভিতৰতে থাকি ৰাজ্যপালৰ ভাষণ চলি থাকোঁতেই নিজৰ দাবী উত্থাপন কৰি থাকে। প্ৰায় ৩০ মিনিট ধৰি প্ৰতিবাদ কৰাৰ পিছত অখিল গগৈ আৰু তেওঁৰ দলীয় সহকৰ্মী মহবুব মুক্তাৰেও সদন ত্যাগ কৰে।
অধিক পঢ়ক - অসম বিধানসভাৰ শপত গ্ৰহণ: পৰম্পৰাগত পোছাকত নতুন বিধায়কসকলৰ জনসেৱাৰ প্ৰতিশ্ৰুতি
