জামুগুৰিহাটঃ অসম সাহিত্য সভাৰ ২০২৫ বৰ্ষৰ সন্মানীয় ‘সভাপতি বিশেষ সাহিত্য সন্মান’ অসমৰ সাহিত্য আৰু বৌদ্ধিক জীৱনলৈ আগবঢ়োৱা অসামান্য অৱদানৰ স্বীকৃতি স্বৰূপে ৰাজ্যৰ পাঁচগৰাকী বিশিষ্ট ব্যক্তিত্বক প্ৰদান কৰা হ’ব।
সভাৰ মুখ্য সম্পাদক দেৱজিত বৰাই দেওবাৰে জাৰি কৰা এক বিবৃতি অনুসৰি, অহা ১৬ মে’ বিয়লি ৪ বজাত গুৱাহাটীৰ ভগৱতী প্ৰসাদ বৰুৱা ভৱনৰ সংগীতাচাৰ্য লক্ষ্মীৰাম বৰুৱা প্ৰেক্ষাগৃহত অনুষ্ঠিত হ’বলগীয়া এক গাম্ভীৰ্যপূৰ্ণ অনুষ্ঠানত এই সন্মান প্ৰদান কৰা হ’ব।
এইবাৰৰ সন্মান লাভ কৰা ব্যক্তিসকল হৈছে — ধেমাজিৰ বিশিষ্ট গৱেষক, শিল্পী আৰু সাহিত্যিক ড° পুষ্প গগৈ, ডিব্ৰুগড়ৰ বিশিষ্ট চাহ বাগিচা উদ্যোগপতি তথা সাহিত্যিক দেৱী প্ৰসাদ বাগৰোডিয়া, নগাঁৱৰ অৱসৰপ্ৰাপ্ত অধ্যাপক, বিশিষ্ট সাহিত্যিক, সমালোচক আৰু সাংবাদিক উপেন্দ্ৰ বৰকটকী, গুৱাহাটীৰ জ্যেষ্ঠ সাংবাদিক আৰু বিশিষ্ট সাহিত্যিক জিতুমণি বৰা, আৰু বঙাইগাঁও জিলাৰ জ্যেষ্ঠ আৰক্ষী অধীক্ষক তথা খ্যাতনামা কবি, সাহিত্যিক আৰু গৱেষক নুমল মহত্ত।
অধিক পঢ়ক - ২০২৪ চনত অসমত প্ৰায় ৫ কোটি টকাৰ ভাৰতীয় জাল নোট জব্দ
