বোকাখাত: গোলাঘাট জিলাৰ নুমলীগড়ৰ সমীপৱৰ্তী বকিয়াল বনাঞ্চলৰ অধীনস্থ বগামাটি অঞ্চলত বনৰীয়া হাতীৰ উপদ্ৰৱে পুনৰবাৰ স্থানীয় বাসিন্দাসকলৰ মাজত আতংকৰ সৃষ্টি কৰিছে। দেওবাৰে নিশা এটা বনৰীয়া হাতীয়ে ৩ নং ৰঙবং অঞ্চলত প্ৰৱেশ কৰি দুখন ঘৰ ধ্বংস কৰে।
প্ৰতিবেদন অনুসৰি, ৰঙাই দাস আৰু বাবুল দাসৰ ঘৰ হাতীয়ে ভাঙি পেলায়। লোকসকলে হাতীটোক খেদাবলৈ চেষ্টা কৰোঁতে তেওঁলোকৰ ওপৰত আক্ৰমণৰ লক্ষ্য লয় বুলি জানিব পৰা গৈছে।
ইয়াৰ আগৰ শনিবাৰে নিশাও সেই একে হাতীয়ে বগামাটি প্ৰাথমিক বিদ্যালয়ৰ চৌহদত প্ৰৱেশ কৰি খিৰিকীৰ আইনা ভাঙি বিদ্যালয়ৰ ভিতৰৰ কেইবাটাও সামগ্ৰী ক্ষতিগ্ৰস্ত কৰিছিল।
অধিক পঢ়ক - বিশিষ্ট চিকিৎসক ড০ চিন্ময় চৌধুৰী ৮৪ বছৰ বয়সত মৃত্যু
