ডিব্ৰুগড়: বৃহস্পতিবাৰে বৰুৱাৰাও গাৰ্লছ হাইস্কুলত Green Education Foundation Assam (GEFA)-ৰ উদ্যোগত এক সজাগতামূলক আলোচনা অনুষ্ঠান অনুষ্ঠিত হয়।
GEFA হৈছে ডিব্ৰুগড় বিশ্ববিদ্যালয়ৰ শিক্ষা বিভাগৰ সহযোগী অধ্যাপক তথা অসমৰ গভৰ্ণৰ এক্সেলেন্স বঁটা ২০২৫ লাভ কৰা ড° অমৰ উপাধ্যায়ৰ নেতৃত্বত আৰম্ভ কৰা এক স্বেচ্ছাসেৱী সংস্থা। সংস্থাটোৰ মূল উদ্দেশ্য হৈছে স্কুলীয়া ছাত্ৰ-ছাত্ৰীসকলক পৰিৱেশ-সচেতন অভ্যাস গঢ়ি তুলিবলৈ প্ৰশিক্ষণ দিয়া।
অনুষ্ঠানটোৰ বিষয় আছিল “পানী বচাওক, ভৱিষ্যৎ সুৰক্ষিত কৰক: ছাত্ৰ-ছাত্ৰীসকলে কেনেদৰে পাৰ্থক্য আনিব পাৰে।” এই বিষয়ত ডিব্ৰুগড় বিশ্ববিদ্যালয়ৰ ভূতত্ত্ব বিভাগৰ সহকাৰী অধ্যাপক তথা পানী সংৰক্ষণ বিশেষজ্ঞ ডেভিড আনন্দ আইণ্ডে বক্তৃতা প্ৰদান কৰে।
অনুষ্ঠানত প্ৰায় ১০০ জন ছাত্ৰ-ছাত্ৰী, বিদ্যালয়ৰ প্ৰধান শিক্ষক, অন্যান্য শিক্ষক-শিক্ষয়িত্ৰী আৰু GEFA-ৰ সদস্যসকল উপস্থিত আছিল। কাৰ্যসূচীৰ ধন্যবাদ জ্ঞাপন কৰে GEFA-ৰ সম্পাদক কুনাল আগৰৱালে। অনুষ্ঠানৰ সময়ত GEFA-ৰ সভাপতি ড° অমৰ উপাধ্যায়ে ছাত্ৰ-ছাত্ৰীসকলক উজ্জ্বল ভৱিষ্যতৰ বাবে অনুপ্ৰাণিত কৰে।
অধিক পঢ়ক - শিৱসাগৰত বাতৰি কাকত বিতৰণ কৰ্মীসকলৰ সৈতে আন্তৰ্জাতিক শ্ৰমিক দিৱস পালন
