আগৰতলাঃ পঞ্জাৱৰ মোহলীত কাবাডীৰ প্ৰমোটাৰ ৰানা বন্নাৰ হত্যাকাণ্ডৰ তৃতীয়জন গুলীচালনাকাৰী আদিত্য কাপুৰ ওৰফে মক্খানক চাৰি মাহৰ অন্তত ত্ৰিপুৰাৰ আগৰতলাত গ্ৰেপ্তাৰ কৰা হয়।
১৫ ডিচেম্বৰ ২০২৫ তাৰিখে পঞ্জাৱৰ মোহালীৰ চোহানা আৰক্ষী থানা এলেকাত এখন কাবাডী টুৰ্ণামেণ্টৰ সময়ত ৰানা বান্নাৰ হত্যা হৈছিল। অভিযোগ অনুসৰি এই হত্যাকাণ্ড ৰ’নি বাল গেঙৰ সৈতে জড়িত আছিল। তদন্তত তিনিজন মূল অভিযুক্ত চিনাক্ত কৰা হৈছিল, যাৰ ভিতৰত এজনক কলকাতাত গ্ৰেপ্তাৰ কৰা হৈছিল।
তৃতীয় অভিযুক্ত আদিত্য কাপুৰ আগৰতলাত আত্মগোপন কৰি থকা বুলি গোপন তথ্য সংগ্ৰহ আৰু প্ৰযুক্তিগত বিশ্লেষণৰ জৰিয়তে নিশ্চিত হোৱাৰ পিছত আৰক্ষীয়ে অভিযান আৰম্ভ কৰে। এডিজিপি প্ৰমোদ বানৰ নিৰ্দেশত আৰু ডিএছপি (অপাৰেশ্যন) ৰাজেন্দ্ৰ সিংৰ উপস্থিতিত গঠন কৰা বিশেষ দলে এই অভিযান চলাই অভিযুক্তক গ্ৰেপ্তাৰ কৰে।
গ্ৰেপ্তাৰৰ পিছত তেওঁক স্থানীয় আদালতত হাজিৰ কৰোৱা হয় আৰু ট্ৰানজিট ৰিমাণ্ড লোৱা হয়। এতিয়া তেওঁক মোহালীত লৈ গৈ আদালতত হাজিৰ কৰোৱা হ’ব। (ANI)
অধিক পঢ়ক - ত্ৰিপুৰাৰ BJP যুৱ নেতা ৰাহুল কিশোৰ ৰয়ৰ মৃত্যুৰ ঘটনাৰ নিৰপেক্ষ তদন্তৰ আশ্বাস প্ৰদান মুখ্যমন্ত্ৰী মানিক সাহাৰ
