ডিমৌ: ২০২৬ অসম বিধানসভা নিৰ্বাচনত এনডিএ প্ৰাৰ্থী সুসান্ত বৰগোহাঁইয়ে ৯৫ নং ডিমৌ সমষ্টিত বৃহৎ ব্যৱধানত জয় লাভ কৰিছে। তেওঁ ভাৰতীয় জাতীয় কংগ্ৰেছ নেতৃত্বাধীন জোঁটৰ প্ৰাৰ্থী অজয় কুমাৰ গগৈ আৰু চিপিআইৰ অজয় বৰাক পৰাস্ত কৰে।
সুশান্ত বৰগোহাঁইয়ে মুঠ ৮৯,৬৮১টা ভোট লাভ কৰি ৩৩,৫২৮টা ভোটৰ ব্যৱধানত জয় নিশ্চিত কৰে। অজয় কুমাৰ গগৈয়ে ৫৬,১৫৩টা ভোট লাভ কৰাৰ বিপৰীতে অজয় বৰাই ২,৫৭৫টা ভোট লাভ কৰে। সমষ্টিটোত ১,৭১৭ জন ভোটাৰে ন’টা (NOTA) বাচি লৈছে।
জয়ৰ পিছত সুশান্ত বৰগোহাঁইয়ে কয় যে তেওঁ আগন্তুক দিনত ক্ৰীড়া, শিক্ষা আৰু স্বাস্থ্য খণ্ডৰ উন্নয়নত বিশেষ গুৰুত্ব দিব। ফলাফল ঘোষণাৰ পিছত তেওঁৰ সমৰ্থকসকলে এনএইচ-৩৭ৰ কাষত অৱস্থিত আলুন নগৰৰ অটল বিহাৰী বাজপেয়ী ভৱনত আনন্দোৎসৱ পালন কৰে।
অধিক পঢ়ক - ৯৬ নং শিৱসাগৰ বিধানসভা সমষ্টিত অখিল গগৈৰ জয় লাভ