জামুগুৰিহাট: সোমবাৰে দুপৰীয়া চতিয়াত যাত্ৰীবাহী ৰেল নম্বৰ ১৫৮৯৫-ত অগ্নিকাণ্ড সংঘটিত হোৱাৰ পিছত যাত্ৰীবাহীসকলৰ লগতে স্থানীয় বাসিন্দাসকলৰ মাজত আতংকৰ সৃষ্টি হয়।
প্ৰাপ্ত তথ্য অনুসৰি ৰঙিয়া–মুৰ্কংচেলেক (ডাউন) ৰেলখন গিলাধাৰী ৰেলৱে সেঁতু আৰু চতিয়া (নিজ চাতিয়া) ৰেলৱে ষ্টেচনৰ মাজত ৰেল ইঞ্জিনত হোৱা এক কাৰিকৰী ত্ৰুটিৰ বাবে জুই লাগে। হঠাতে ইঞ্জিনৰ পৰা উঠা ঘন ধোঁৱাই যাত্ৰীৰ মাজত আতংকৰ পৰিৱেশ সৃষ্টি কৰে।
কম সময়ৰ ভিতৰতে ইঞ্জিনৰ পৰা ঘন ধোঁৱা উঠি সমগ্ৰ অঞ্চলটো আৱৰি ধৰে। পিছত উত্তৰ-পূব সীমান্ত ৰেলৱে-ৰ জ্যেষ্ঠ বিষয়াসকল ঘটনাস্থলীত উপস্থিত হৈ পৰিস্থিতি নিয়ন্ত্ৰণলৈ আনে।
অধিক পঢ়ক - উত্তৰ-পূব সীমান্ত ৰেলৱেই লামডিং ডিভিজনত নতুন সেঁতু উদ্বোধন কৰিছে