নতুন দিল্লী: উদ্যোগপতি ইলন মাস্কে টুইটাৰ (বৰ্তমান X বুলি জনা যায়)ত নিজৰ অংশীদাৰিত্বৰ তথ্য দেৰি কৰি প্ৰকাশ কৰাৰ অভিযোগত আমেৰিকাৰ ছিকিউৰিটিজ এণ্ড এক্সচেঞ্জ কমিছন (SEC)ৰ সৈতে চলি থকা এটা গোচৰ নিষ্পত্তি কৰিবলৈ ১৫ লাখ ডলাৰ পৰিশোধ কৰিবলৈ সন্মতি জনাইছে বুলি একাধিক প্ৰতিবেদনত প্ৰকাশ পাইছে।
এই নিষ্পত্তিটো আদালতৰ অনুমোদনৰ ওপৰত নিৰ্ভৰশীল আৰু এই ধন ইলন মাস্ক ৰিভোকেবল ট্ৰাষ্টে পৰিশোধ কৰিব বুলি নিয়ন্ত্ৰক সংস্থাই জনাইছে। এই গোচৰত ট্ৰাষ্টটোকো প্ৰতিবাদী হিচাপে অন্তৰ্ভুক্ত কৰা হৈছিল।
SEC-এ অভিযোগ কৰিছে যে ট্ৰাষ্টটোৱে টুইটাৰত ৫ শতাংশতকৈ অধিক অংশীদাৰিত্ব লাভ কৰাৰ পিছতো সময়মতে মালিকানাৰ তথ্য প্ৰকাশ নকৰিলে, যি ১৯৩৪ চনৰ ছিকিউৰিটিজ এক্সচেঞ্জ আইন অনুসৰি প্ৰকাশৰ নিয়ম ভংগ কৰাৰ সমান। (আইএএনএছ)
অধিক পঢ়ক - সংৰক্ষণৰ প্ৰচেষ্টা বৃদ্ধিৰ বাবে মেঘালয়ে ‘খাসাও’ চকলেট মাহশিৰক ৰাজ্যিক মাছ হিচাপে ঘোষণা