গুৱাহাটী: অসম বিধানসভা নিৰ্বাচন সম্পন্ন হোৱাৰ পিছত ভাৰতৰ নিৰ্বাচন আয়োগে (Election Commission of India) আজি ৰাজ্যখনত নিৰ্বাচন আচৰণ বিধি (Model Code of Conduct)(MCC) উঠাই দিয়াৰ কথা এখন অধিসূচনাৰ জৰিয়তে ঘোষণা কৰিছে। এই সন্দৰ্ভত ECI-এ অসমৰ মুখ্য সচিব আৰু ৰাজ্যৰ মুখ্য নিৰ্বাচনী বিষয়া (CEO)লৈ পত্ৰ প্ৰেৰণ কৰিছে।
অসম বিধানসভা নিৰ্বাচনৰ ঘোষণা কৰা দিনৰ পৰাই ৰাজ্যখনত মাৰ্চ ১৫ তাৰিখৰ পৰা নিৰ্বাচন আচৰণ বিধি কাৰ্যকৰী আছিল।
IANS-ৰ তথ্য অনুসৰি, ভাৰতৰ নিৰ্বাচন আয়োগে কেৰালা, তামিলনাডু, পশ্চিম বংগ আৰু পুডুচেৰীৰ কেন্দ্ৰশাসিত অঞ্চলতো ২০২৬ বিধানসভা নিৰ্বাচনৰ পিছত নিৰ্বাচন আচৰণ বিধি উঠাই দিয়াৰ নিৰ্দেশ জাৰি কৰিছে।
অৱশ্যে পশ্চিম বংগৰ ১৪৪ নং ফাল্টা বিধানসভা সমষ্টিত নিৰ্বাচন আচৰণ বিধি (MCC) বলবৎ থাকিব, য’ত আয়োগে নতুনকৈ ভোটদানৰ নিৰ্দেশ দিছে।