৫২ নং জাগীৰোড সমষ্টিত বিজেপিৰ শীৰ্ষ নেতা পীয়ুষ হাজৰিকাৰ বৃহৎ জয়লাভ

মৰিগাঁও: সকলো ধৰণৰ জল্পনা-কল্পনাৰ অন্ত পেলাই ভাৰতীয় জনতা পাৰ্টী (Bharatiya Janata Party)-এ ৫৪ নং মৰিগাঁও বিধানসভা সমষ্টিত তৃতীয়বাৰৰ বাবে জয়লাভ কৰিছে।

বিজেপিৰ প্ৰাৰ্থী ৰমাকান্ত দেউৰীয়ে অসম জাতীয় পৰিষদ (AJP)-ৰ বনিকা দাসক ৬৫,৪৮৯টা ভোটৰ বৃহৎ ব্যৱধানত পৰাস্ত কৰে। দেউৰীয়ে ১,১৭,৯৪২টা ভোট লাভ কৰাৰ বিপৰীতে বনিকা দাসে ৫২,৪৫৩টা ভোট লাভ কৰে।

৫২ নং জাগীৰোড সমষ্টিত বিজেপিৰ শীৰ্ষ নেতা পীয়ুষ হাজৰিকাই কংগ্ৰেছৰ প্ৰাক্তন মন্ত্ৰী বাবুল দাসক ৯৩,৫৮৪টা ভোটৰ বিশাল ব্যৱধানত পৰাস্ত কৰে। হাজৰিকাই ১,৫৫,১২৯টা ভোট লাভ কৰাৰ বিপৰীতে বাবুল দাসে ৬১,৫৪৫টা ভোট লাভ কৰে।

আনহাতে, ৫৩ নং লাহৰিঘাট সমষ্টিত কংগ্ৰেছৰ শক্তিশালী প্ৰাৰ্থী ড° আছিফ নাজৰে দ্বিতীয়বাৰৰ বাবে আসনখন অটুট ৰাখে। তেওঁ AIUDF-ৰ ছিদ্দিক আহমেদক ৬৬,২৯৫টা ভোটৰ ব্যৱধানত পৰাস্ত কৰে। ড° নজৰে ১,৬৯,২১২টা ভোট লাভ কৰাৰ বিপৰীতে ছিদ্দিক আহমেদে ১,০২,৯১৭টা ভোট লাভ কৰে।

অধিক পঢ়ক - পৰমানন্দ ৰাজবংশীয়ে দ্বিতীয়বাৰৰ বাবে বিধানসভাত প্ৰৱেশ কৰি কংগ্ৰেছৰ বিনন্দ কুমাৰ শইকীয়াক ২৫,৪২৫টা ভোটৰ ব্যৱধানত পৰাস্ত কৰে