কাঠমাণ্ডুঃ( KATHMANDU)কাঠমাণ্ডুৰ দশৰথ ষ্টেডিয়ামত বুধবাৰে গ্ৰুপ এৰ এখন খেলত পাকিস্তানৰ বিৰুদ্ধে ক্লিনিকেল ৩-০ গ'লত জয়লাভ কৰি ভাৰতীয় মহিলা ফুটবল দলৰ অভিযান আৰম্ভ হয় ছাফ মহিলা চেম্পিয়নশ্বিপ ২০২২ত।
২১ মিনিটত পাকিস্তানৰ অধিনায়ক মাৰিয়া খানৰ অ'ন গ'লত অগ্ৰগতি লাভ কৰে ডিফেণ্ডিং চেম্পিয়নগৰাকীয়ে। দুমিনিটৰ পাছত ভাৰতৰ হৈ ২-০ গ'লত পৰিলক্ষিত হয়৷
পোষ্টৰ ওচৰত অচিহ্নিত ডাংমেই গ্ৰেচে অঞ্জু তামাঙৰ পৰা থ্ৰু পাছ লাভ কৰি পোষ্ট আৰু গ'লৰক্ষকৰ মাজত পিছলি দি অগ্ৰগতি দুগুণ কৰে।
দ্বিতীয়াৰ্ধৰ আৰম্ভণিতে ভাৰতে পাকিস্তানৰ ৰক্ষণভাগক আক্ৰমণৰ ঢৌৰে জোকাৰি গৈছিল যদিও বেয়া ফিনিচিঙৰ বাবেই ক্ষতিগ্ৰস্ত হৈছিল।
অৱশেষত ৯৪ মিনিটত সৌম্য গুগুলোথে গ'ল দি ভাৰতে অগ্ৰগতি ৩-০লৈ বৃদ্ধি কৰে।
এতিয়া ৩ পইণ্টেৰে গ্ৰুপ এত আগবাঢ়ি আছে ভাৰত। গ্ৰুপটোৰ বাকী দুটা দল বাংলাদেশ আৰু মালদ্বীপ। আয়োজক নেপাল, শ্ৰীলংকা, আৰু ভূটান গ্ৰুপ বিত স্লট কৰা হৈছে
লগতে পঢ়ক: ১০ ছেপ্টেম্বৰৰ পৰা গুৱাহাটীত NE শ্বুটিং