ব্ৰেকিং নিউজ

গুৱাহাটী উচ্চ ন্যায়ালয়ে আজি সানাউল্লাহৰ জামিন মঞ্জুৰ কৰে

Sentinel Digital Desk

বিদেশী বুলি ঘোষণা কৰা প্ৰাক্তন ভাৰতীয় সেনা বিষয়া সানাউল্লাহকৰ আবেদনৰ আজি শুনানি গ্ৰহণ কৰে গুৱাহাটী উচ্চ ন্যায়ালয়ে ।

আজি গুৱাহাটী উচ্চ ন্যায়ালয়ে প্ৰাক্তন সেনা মহম্মদ সানাউল্লাহৰ জামিন আবেদন মঞ্জুৰ কৰে। ২০ হাজাৰ টকাৰ বণ্ডৰ বিনিময়ত জামিন মঞ্জুৰ কৰে গুৱাহাটী উচ্চ ন্যায়ালয়ে ।

আজি গুৱাহাটী উচ্চ ন্যায়ালয়ৰ বিচাৰপীঠে অসম চৰকাৰৰ লগতে ভাৰত চৰকাৰ, নিৰ্বাচনী আয়োগ , ৰাষ্ট্ৰীয় নাগৰিক পঞ্জী কাৰ্য্যালয় আৰু অনুসন্ধান কৰি বিষয়া চন্দ্ৰমল দাসলৈ কাৰন দৰ্শোৱাৰ বাবে জাননী জাৰি কৰিছিল ।

প্ৰাক্তন ভাৰতীয় সেনা বিষয়া সানাউল্লাহক বিদেশী ন্যায়াধীশকৰনে বিদেশী বুলি ঘোষণা কৰি ২৯ মেত ডিটেনচন কেম্পলৈ প্ৰেৰণ কৰিছে ।

বকো বিদেশী ন্যায়াধীশকৰনে ২০১৮ চনৰ ৪ চেপ্তেম্বৰত মহম্মদ সোনাউল্লাহলৈ জাননী জাৰি কৰিছিল আৰু তেওঁক বিদেশী বুলি ঘোষণা কৰে ।

কামৰূপৰ অতিৰিক্ত এচ পি সঞ্জীৱ শইকীয়াৰ মতে ২০০৮ চনত কামৰূপ বিদেশী ন্যায়াধীশকৰনত এটা গোচৰ ৰুজু কৰা হৈছিল । ন্যায়াধীশকৰনৰ ৰায়ৰ পাছত প্ৰাক্তন সেনা বিষয়া গৰাকীক গোৱালপাৰাৰ ডিটেনচন কেম্পত ৰখা হৈছে।

সোনাউল্লাহ জন্ম হৈছিল কামৰূপ জিলাৰ চয়গাঁওৰ কলহীকাষ গাঁওত ১৯৬৭ চনৰ ৩০ জুলাইত জন্ম হৈছিল । ১৯৮৫ চনত বকোৰ চাম্পুপাৰা চৰকাৰী হাইস্কুলৰ পৰা মেট্ৰিকত উৰ্ত্তীৰ্ণ হৈছিল । তাৰ পাছত বৰপেটা জিলাৰ চেঙা কলেজত অধ্যয়ন কৰে। তেওঁ ২০১৭ চনৰ ৩১ মেত ভাৰতীয় সেনাৰ পৰা অৱসৰ লয় । ২০১৮ চনত অসম আৰক্ষীৰ সীমান্ত শাখাত আৰক্ষী উপ-পৰিদৰ্শক হিচাপে যোগদান কৰে । কামৰূপ জিলাৰ বাইহাটা চাৰিআলি আৰক্ষী থানাতো কাৰ্যনিৰ্বাহ কৰিছিল । ২০১৪ চনৰ ২ চেপ্তেম্বৰত ৰাষ্ট্ৰপতিৰ পৰা প্ৰসংশাৰ মানপত্ৰ লাভ কৰিছিল সোনাউল্লাহে ।

অধিক খবৰৰ বাবে পঢ়ক :ব্ৰেকিং নিউজ