নগাঁও জিলাৰ জাজৰি আৰক্ষী থানাৰ অন্তৰ্গত হাতীচোং সোণাৰী গাঁৱৰ এজন ব্যক্তিৰ মৃতদেহ আজি পুৱা উদ্ধাৰ হোৱাক লৈ সমগ্ৰ অঞ্চলটোত চাঞ্চল্যৰ সৃষ্টি হৈছে ।
জানিব পৰা মতে গাঁওখনৰ নিৱাসী তথা তিনি সন্তানৰ পিতৃ ভূপেন বণিয়া ৰ মৃতদেহ আজি গাঁৱৰে এঘৰ লোকৰ বাৰীৰ পিছফালৰ এজোপা গছত চিপ লৈ থকা অৱস্থাত উদ্ধাৰ কৰে স্থানীয় লোকে ।
প্ৰায় ৪৩ বছৰীয়া মৃত লোকজন বিগত তিনিদনে সন্ধানহীন হৈ আছিল বুলি জানিব পৰা গৈছে ।উৱলি যোৱা অৱস্থাত মৃতদেহটো প্ৰত্যক্ষ কৰা মাত্ৰকে এক হুৱা দুৱা পৰিস্থিতিৰ সৃষ্টি হয় গাঁওখনত ।
লগে লগে স্থানীয় ৰাইজে জাজৰি আৰক্ষীক খবৰ দিয়াত আৰক্ষীয়ে মৃতদেহটি উদ্ধাৰ কৰি মৰণোত্তৰ পৰীক্ষাৰ বাবে নগাঁও ভোগেশ্বৰী ফুকননী অসামাৰিক চিকিৎসালয়লৈ প্ৰেৰণ কৰে ।
উল্লেখ্য যে, বিগত কেইবামাহ ধৰি মানসিক ৰোগাক্ৰান্তৰ দৰে আচৰণ কৰি থকা ব্যক্তি গৰাকীয়ে আত্মহননৰ পথ বাছি লোৱা বুলি সন্দেহ কৰিছে স্থানীয় ৰাইজে।