প্ৰেম অমৰ, প্ৰেম অন্ধ, প্ৰেমে নামানে বয়সৰ সীমা, প্ৰেমে মাথো জানে প্ৰেমৰ ঠিকনা, প্ৰেমৰ মাজত বয়সৰ পাৰ্থক্য থাকিব পাৰে, কিন্তু সেই পাৰ্থক্যয়ে যদি সীমা চেৰাই যায় ।তেন্তে ?
৬৭ বছৰীয়া ৰামকলি ২৮ বছৰীয়া ভোলুৰ প্ৰেমত পৰিছিল। কেৱল সেয়াই নহয়, তেওঁ ৰামকলিৰ সৈতে থাকিবলৈ বিচাৰি আদালতৰ কাষ চাপিছে।
ঘটনাটো মধ্য প্ৰদেশৰ মোৰেনা জিলাৰ কইলাৰচ অঞ্চলত সংঘটিত হৈছিল। প্ৰেমৰ ফলাফল বিবাহ নহয়, ভোলুৱে ৰামকলিৰ সৈতে লিভ-ইন সম্পৰ্কত থাকিব বিচাৰে। আৰু এই অদ্ভুত প্ৰেম কাহিনী এতিয়া সকলোৰে মুখে মুখে ।
ভোলুৱে কৈছিল যে তেওঁলোক যোৱা ছয় বছৰ ধৰি লিভ-ইন সম্পৰ্কত আছে। তেওঁ আহিবলগীয়া দিনবোৰত এই সম্পৰ্কটো বজাই ৰাখিব বিচাৰে। দুয়োজনৰ মাজত বয়সৰ পাৰ্থক্য হৈছে ৩৯ বছৰ। সেইয়া কি! ভোলু আৰু ৰামকলিয়ে বিশ্বাস কৰে যে সম্পৰ্কটো বাস্তৱিক।
গোৱালিয়ৰ জিলা আদালতৰ অধিবক্তা প্ৰদীপ অৱস্থীয়ে কৈছিল যে দুয়োজনে সম্পৰ্কটোক সন্মান জনোৱাৰ বাবে আদালতৰ কাষ চাপিছিল। ৰামকলি আৰু ভোলুৱে ক'লে, "আমি ইজনে সিজনক ভাল পাওঁ। কিন্তু মই বিয়া কৰিব নিবিচাৰো। মই লিভ-ইন সম্পৰ্কত থাকিব বিচাৰো। যাতে এই সম্পৰ্কৰ বিষয়ে অনাগত দিনত যাতে দুয়োৰে মাজত কোনো সমস্যা নহয়, দম্পতী হালে আইনী সহায়ত বিষয়টো নিষ্পত্তি কৰিবলৈ আহিছে ।
অধিবক্তা প্ৰদীপে লগতে কয় যে চহৰখনত এতিয়া লিভ-ইন সম্পৰ্ক যথেষ্ট বৃদ্ধি পাইছে। বহুসময়ত ইয়াক লৈ সমস্যা হয়। বহুলোকে সেই সমস্যাটো এৰাই চলিবলৈ নোটাৰী নকৰে। কিন্তু সেই নথিপত্ৰ সমূহৰ কোনো আইনী বৈধতা নাই। এতিয়া আপুনিয়েই ভাবকচোন এইয়া পুতৌ লগা নহয়নে । প্ৰেমৰ এনে ৰূপ দেখিম বুলি কেতিয়াবা ভাবিছিল নে ?
লগতে পঢ়ক:এতিয়া মাত্ৰ ২৫ টকাত চাব পাৰিব 'গৰু': চলচ্চিত্ৰপ্ৰেমী দৰ্শকলৈ এই সুবিধা হিমাংশু প্ৰসাদ দাসৰ