ভাৰতীয় ক্ৰিকেটাৰ জশপ্ৰীট বুমৰাহ আৰু দক্ষিণ ভাৰতীয় অভিনেত্ৰী অনুপমাৰ প্ৰেমৰ খবৰে সম্প্ৰতি সকলোতে চৰ্চা লাভ কৰিছে ৷ঠিক তেনে সময়তে অনুপমাই জশপ্ৰীটৰ লগত থকা প্ৰেমৰ বিষয়ে কয় যে আমি কেৱল ভাল বন্ধুহে ৷ আমি ইজনে সিজনৰ লগত ডেট কৰি থকা নাই ৷ এইয়া সাধাৰণ সম্পৰ্ক ৷
২৩ বছৰীয়া অনুপমা মালয়ালম আৰু তেলেগু ছবিৰ অভিনেত্ৰী ৷২০১৫ চনত মালায়ালম ছবি "প্ৰেম"ৰ জৰিয়তে ছবিজগতলৈ আহে অনুপমা ৷ প্ৰায় ১০ খনতকৈ অধিক ছবিত দেখিবলৈ পোৱা গৈছে দক্ষিণ ভাৰতৰ অভিনেত্ৰী অনুপমাক।অনুপমা পাৰ্মেশ্বৰমে দক্ষিণ ভাৰতীয় অভিনেতা নীতিন আৰু চামন্থাৰ লগত ছুপাৰহিট ছবি আ-আ ত অভিনয় কৰে ।ইয়াৰ উপৰিও অভিনেতা ধনুশৰ লগত কোড়ী আদি ছবিত অভিনয় কৰে৷ ইফালে অনুপমাৰ নাম জশপ্ৰীট বুমৰাহৰ লগত সাঙোৰ কোৱাৰ পূৰ্বতে তেলেগু অভিনেত্ৰী ৰাশি খান্নাৰ নাম জৰিত হৈ পৰিছিল জশপ্ৰীটৰ লগত ৷
কিন্তু পিছত ৰাশি খান্নাই কয় যে মই ব্যক্তিগতভাৱে তেওঁক নাজানো আৰু মই তেওঁৰ কেতিয়াও লগ পোৱা নাই ৷ মই কেৱল তেওঁ এজন ক্ৰিকেটৰ বুলিহে জানো ৷উল্লেখ্য যে বুমৰাহ এই কেইদিনত আইচিচি বিশ্ব কাপত নিজৰ প্ৰতিভাৰ কাৰণে চৰ্চিত হৈ আছে ৷
অৱশ্য বলীউডত অথবা দক্ষিণ ভাৰতৰ যিকোনো অভিনেত্ৰী নাম ভাৰতীয় অথবা অন্যান্য দলৰ ক্ৰিকেটাৰৰ লগত জৰিত হৈ পৰাতো নতুন কথা নহয় । বহু অভিনেত্ৰী নাম ক্ৰিকেটাৰৰ নাম সাঙোৰ খাই পৰাৰ পিছত প্ৰতিক্ৰিয়া প্ৰকাশ কৰে চেলীব্ৰেটীসকলে ৷
অধিক খবৰৰ বাবে পঢ়ক : দক্ষিন ভাৰতীয় ছবিত অভিনয় কৰাৰ প্ৰস্তুষ্টি এইগৰাকী বলীউড সুন্দৰীৰ