বলীউডৰ বিগ বি অমিতাভ বচ্চন আৰু তাপ্সী পান্নুৰ অভিনীত বদলা ছবিখনে এই সপ্তাহত ভাল ফলাফল দেখুৱাবলৈ সক্ষম হৈছে ৷ শুক্ৰবাৰে মুক্তি পোৱা ছবিখনে প্ৰথম দিনা ৫.০৪ কোটি টকা,শনিবাৰে ৮.৫৫ কোটি টকা আৰু দেওবাৰে ৯.৬১ কোটি টকা উপাৰ্জন কৰে ৷ ছবিখনে তিনিদিনত মুঠতে ২৩.২০ কোটি টকা উপাৰ্জন কৰিবলৈ সক্ষম হৈছে ৷ বদলা ছবিখনৰ সফলতাৰ সন্দৰ্ভত ট্ৰেড এনালিষ্ট অ’মেদ মেহেৰাই কয় যে ছবি খনৰ প্ৰদৰ্শন উন্নত হৈছে ৷সীমিত পৰিমাণৰ স্কীনত মুক্তি পোৱা ছবিখনক দৰ্শকে আদৰি লৈছে ৷
অন্য এজন ছবি সমীক্ষক নৰেন্দ্ৰ গুপ্তাই কয় যে বদলা ছবি খন ২৫ কোটি বাজেটেৰে নিৰ্মাণ কৰা হৈছিল ৷ কিন্তু ছবিখনে প্ৰথম সপ্তাহতে ২৩ কোটি টকা উপাৰ্জন কৰিলে ৷ অনাগত সপ্তাহত ছবি খনে ১০ কোটি উপাৰ্জন কৰিব ৷ গতিকে ছবিখনৰ মুঠ উপাৰ্জন ৫০ কোটি টকা হ’ব পাৰে । প্ৰথমৰ পৰা শেষলৈকে উৎসুকতা বজায় ৰাখিব পৰাটো বদলা ছবিখনৰ কাৰণে উল্লেখ্যনীয় দিশ ৷লগতে ছবিখনৰ ট্ৰেইলৰটো যথেষ্ট আকৰ্ষণ কৰিছে দৰ্শকক ৷
বদলা ছবিখন এখন থ্ৰিলাৰ ছবি ৷ ছবিখনত তাপ্সী পান্নুয়ে এক হত্যাকাণ্ডত অভিযুক্ত এগৰাকী ব্যৱসায়ী মহিলাৰ চৰিত্ৰত অভিনয় কৰিছে ৷ নাম নেনা চেঠী ৷ ইফালে বলীউডৰ বিগ বি অমিতাভ বচ্চনে বাদল গুপ্তা নামেৰে এজন অধিবক্তাৰ চৰিত্ৰত অভিনয় কৰিছে ৷ বদলা ছবি খনৰ কাহিনী উৎসুকতাৰে পৰিপূৰ্ণ ৷
ছবিখনৰ প্ৰথমতেই নেনা চেঠীক বহুত চিন্তিত দেখা যায় ৷ কাৰণ যিখন হোটেলৰ কোঠাত নেনা চেঠীয়ে প্ৰেমিকক লগ কৰিবলৈ গৈছিল,সেই খন হোটেলতে প্ৰেমিক অৰ্জুন মেহতাৰ হত্যা হয়৷ আৰু সেই হত্যাকাণ্ডটোৰ অভিযোগত অভিযুক্ত হয় নেনা চেঠী অৰ্থাৎ তাপ্সী পান্নু ৷কাৰণ সেই সময়ত সেই কোঠাটোত নেনাৰ বাহিৰে কোনো দ্বিতীয় জন ব্যক্তি নাছিল ৷ পিছত নেনাৰ মন্তব্য যে এই হত্যিকাণ্ডটোৰ লগত তেওঁ জড়িত নহয় কাৰণ নেনা আৰু অৰ্জুনক কোনোবাই ব্লেকমেইল কৰি আছিল ৷ আৰু নেনাই অৰ্জুনক লগ কৰিবলৈ আহিছিল ৷
সুজয় ঘোষে ছবিখনত প্ৰথমৰ পৰা শেষলৈকে উৎসুকতা বৰ্তাই ৰাখিবলৈ সক্ষম হৈছে ৷ সুজয় ঘোষৰ ছবি সমূহ প্ৰধান চৰিত্ৰসমূহৰ ভৰষাতেই থাকে ৷ ব্যতিক্ৰম নহয় এই ছবিখনো ৷বিগ বি অমিতাভ বচ্চন আৰু তাপ্সী পান্নুৰ মাজত এটা কোঠাত এনেধৰণৰ কিছুমান দৃশ্য উপস্থাপন কৰা হৈছে য’ত বিভিন্ন অনুভৱ,আবেগ প্ৰকাশ পাইছে ৷ দুয়োজনৰ মাজত নিৰৱতাও বহুত কথা কয় ৷ লগতে সংলাপ সমূহো যথেষ্ট শক্তিশালী ৷ অন্যহাতে ছবিখনৰ সমালোচকসকলে কোৱা অনুসৰি অমিতাভ বচ্চনৰ শক্তিশালী অভিনয়ে উল্লেখযোগ্য ভূমিকা গ্ৰহণ কৰিছে ৷
ইফালে ছবিখনৰ কলা কুশলীয়ে এক বিশেষ অনুষ্ঠানৰ দ্বাৰা বদলা প্ৰমোশ্যনৰ কৰিছিল ৷ কিন্তু অনুষ্ঠানটোত বিগ বি অমিতাভ বচ্চন আৰু বলীউডৰ বাদশ্বাহ শ্বাহৰুখ খানে অতি আনন্দৰে,ধেমেলীয়াৰে আগবঢ়াই নিছিল ৷ প্ৰায় ৮ মিনিট ৬ ছেকেণ্ডৰ অনুষ্ঠানটিত বিগ বি অমিতাভ বচ্চন আৰু বাদশ্বাহ শ্বাহৰুখ খানে যথেষ্ট আনন্দ কৰিছিল ৷
অধিক খবৰৰ বাবে পঢ়ক : মনোৰঞ্জন