গলী বয়ত ৰনৱীৰ সিঙৰ ৰেপ গীতৰ পিছত বলীউডত এইবাৰ ৰেপ গীতত কন্ঠ নিগৰালে বিগ বি অমিতাভ বচ্চনে ৷ সেয়েহে, সম্প্ৰতি এই কথাই চৰ্চা লাভ কৰিছে সৰ্বত্ৰে। মুক্তিৰ অপেক্ষাত থকা বদলা ছবি খনত বিগ বি অমিতাভ বচ্চনে "অ’কাট"শীৰ্ষক গীতটিত কন্ঠ দিছে ৷ সম্প্ৰতি গীতটিয়ে মুক্তি লাভ কৰিছে ৷ অ’কাট শীৰ্ষক গীতটিত কম্প’জ কৰিছে ক্লিংটন চেৰেজোয়ে ৷ গীতটিৰ কথা লিখিছে সিদ্ধান্ত কোশলে ৷ইফালে, বদলা ছবিখনৰ অ’কাট শীৰ্ষত গীতটিয়ে সমাজৰ সাম্প্ৰতিক পটভূমি দৰ্শাইছে ৷ এক বিশেষ সূত্ৰৰ খবৰ অনুসৰি, যেতিয়া অ’কাট গীতটিৰ কথাসমূহ বিগ বিয়ে শুনিছিল তেতিয়া নিজেই গীতটিৰ গোৱাৰ সিদ্ধান্ত লয়। সুজায়া ঘোষৰ বদলা ছবিখন মুক্তি লাভ কৰিব ৮ মাৰ্চত ৷
https://www.instagram.com/p/BubS7zkAamG/
ছবিখনত অমিতাভ বচ্চনৰ উপৰিও অভিনয় কৰিছে তাপ্সী পান্নুৱে ৷ অভিনেত্ৰী তাপ্সী পান্নুৱে বিগ বি অমিতাভ গীতটি টুইটাৰ যোগে শ্বেয়াৰ কৰিছে ৷অন্যহাতে, ৰনৱীৰ সিঙৰ পিছত মহানায়ক অমিতাভ বচ্চনে এই গীতটিত যথেষ্ট সাৱলীতাৰে গাইছে ।এই ছবিখনত অমিতাভ বচ্চনে ক্যিয় ৰব্বা নামৰ এটি গীতত কন্ঠদান কৰিছে৷গীতটিৰ জৰিয়তে তাপ্সী পান্নুৰ বিবাহৰ পিছত অবৈধ সম্পৰ্ক আৰু অনুশোচনাক দেখুওৱা হৈছে ৷ মন কৰিব লগীয়া যে, ছবিখনত তাপ্সী পান্নু আৰু অমিতাভ বচ্চনৰ অভিনয়ে চুই যাব দৰ্শকক । কাৰণ,২০১৬ চনত বিগ বি আৰু তাপ্সী পান্নুৱে অভিনয় কৰিছিল পিংক নামৰ ছবিখনত ৷ ইফালে বদলা ছবি খন হৈছে শ্বাহৰুখ খানৰ প্ৰডাকচন কম্পনী ৰেড অন্তৰ্গতত নিৰ্মিত ৷
উল্লেখ্য যে ২০১৮ চনৰ ছবি ১০২ নট আউটত অমিতাভ বচ্চনে এটা ৰেপ গীতত কন্ঠ দিছিল ৷২০১২ চনত মুক্তি লাভ কৰা ছবি কহানীতো অমিতাভ বচ্চনে "একলা চ’লো ৰে" শীৰ্ষক গীতটিত কন্ঠ দিছিল ৷ ইয়াৰোপৰি অমিতাভ বচ্চনে ভগৱান,কভী খুছী কভী গম,খুদ্দাৰ আৰু ডনৰ দৰে ছবিত গীত গাই দৰ্শকৰ পৰা সমাদৰ লাভ কৰিছিল ৷
ইফালে ৰনৱীৰ সিঙক এজন ৰেপাৰৰ ৰূপত উপস্থাপন কৰিছে গলী বয় ছবিখনত । ছবিখনত লৈ যথেষ্ট আশাবাদী ৰনৱীৰ সিঙৰ লগতে কলা কুশলী সকল ৷সাংবাদিকৰ সৈতে হোৱা এক সাক্ষাৎকাৰত ৰনৱীৰ সিঙে সদ্য মুক্তি প্ৰাপ্ত ছুপাৰহিট ছবি “চিম্বা”ৰ প্ৰসংগৰ কথা উত্থাপন কৰি কয় যে,চিম্বাত মোৰ চৰিত্ৰ আছিল যথেষ্ট দুষ্ট,মনোৰঞ্জকৰ লগতে মৰমিয়াল লোকৰ চৰিত্ৰত অভিনয় কৰিছোঁ ৷ইয়াৰ বিপৰীতে “গলী বয়”ত মই শান্ত শিষ্ট এজন যুৱকৰ চৰিত্ৰত অভিনয় কৰিছোঁ ৷ লগতে বিভিন্ন চৰিত্ৰত অভিনয় কৰাৰ কাৰণে নিজকে ভাগ্যশালী বুলি কয় ৰনৱীৰ সিঙে ৷প্ৰত্যেক গৰাকী নিৰ্মাতায়ে কৰা বিশ্বাসৰ কাৰণে ছবিসমূহত জীৱন্ত অভানয় কৰাৰ কথাও উল্লেখ কৰে অভিনেতা ৰনৱীৰ সিঙে৷
ইয়াৰোপৰি, ২০১৮ চনত মুক্তি পোৱা ছবি “পদ্মাৱত”,ছবিখনৰ ৰনৱীৰ সিঙৰ লুক,অভিনয় আদিয়ে যথেষ্ট জনপ্ৰিয়তা লাভ কৰিছিল জনসাধাৰণৰ মাজত ৷ গতিকে সম্প্ৰতি “গলী বয়”ও বি টাউনত খলকনি তুলিব বুলি আশা কৰিছে কলা কুশলীসকলৰ লগতে অনুৰাগীসকলে ৷উল্লেখ্য যে সততে আলিয়া ভাট্টৰ ছবিয়েও বক্স অফিচত উপাৰ্জন ক্ষেত্ৰত যথেষ্ট ধুমুহাৰ সৃষ্টি কৰে ৷গতিকে বলীউডৰ এই দুগৰাকী ছুপাষ্টাৰৰ উপস্থিতিত গলী বয়ে যে ধুমুহাৰ সৃষ্টি কৰিব সেয়া নিশ্চিত ৷
অধিক খবৰৰ বাবে পঢ়ক : মনোৰঞ্জন