আজি লাচিত দিৱস। শৰাইঘাট ৰণৰ সেনাপতিক স্মৰণ সমগ্ৰ ৰাজ্যৰ। মহান বীৰ জনৰ বীৰত্বৰ কাহিনীয়ে আজিও গৌৰৱাম্বিত কৰি ৰাখিছে অসমীয়াক।
মুখ্যমন্ত্ৰীয়ে টুইট কৰি কয়, "#LachitDiwas উপলক্ষে মহান আহোম সেনাপতি লাচিত বৰফুকনক মই শ্ৰদ্ধাৰে নমস্কাৰ জনাইছো। এজন শক্তিশালী নেতা আৰু সাহসিকতাৰ প্ৰতীক,বীৰ লাচিত বৰফুকনৰ বীৰত্বই প্ৰজন্মক তেওঁলোকৰ মাতৃভূমিৰ গৌৰৱ আৰু সাৰ্বভৌমত্বৰ বাবে যুঁজিবলৈ অনুপ্ৰাণিত কৰি থাকিব।"
তদুপৰি, কিংবদন্তি যোদ্ধাৰ স্মৰণত ৰাজ্যজুৰি বিভিন্ন অনুষ্ঠানৰ আয়োজন কৰা হৈছে।
১৬৭১ চনত শৰাইঘাটৰ যুদ্ধৰ সময়ত কিংবদন্তি সেনাপতিগৰাকীয়ে তেওঁৰ সৈন্যবাহিনীক নেতৃত্ব দিয়ে আৰু শক্তিশালী মোগল বাহিনীক পৰাস্ত কৰে আৰু সকলো প্ৰত্যাহ্বান অতিক্ৰম কৰে। ৰাম সিঙৰ অধীনত মোগল সেনাত ৩০,০০০ পদাতিক বাহিনী, ১৫,০০০ ধনুৰ্ধৰ, ১৮,০০০ তুৰ্কী কেভেলৰী, ৫,০০০ গানাৰ আৰু ১০০০ তকৈও অধিক কামান আছিল আৰু লগতে নাওৰ এটা ডাঙৰ ফ্লোটিলা আছিল।
যুদ্ধৰ প্ৰথম পৰ্যায়ত তেওঁলোকে অসম সেনাৰ বিৰুদ্ধে কোনো ধৰণৰ অগ্ৰগতি লাভ কৰাত ব্যৰ্থ হৈছিল। লাচিত বৰফুকন বিজয়ী হৈছিল আৰু মোগলসকল গুৱাহাটীৰ পৰা আঁতৰি যাবলৈ বাধ্য হৈছিল।
প্ৰতি বছৰে ২৪ নৱেম্বৰত, কিংবদন্তি আহোম সেনাপতিক স্মৰণ কৰিবলৈ সমগ্ৰ অসমত লাচিত দিৱস পালন কৰা হয়।