আৰু দুজনৰ শৰীৰত ক'ৰ'না ভাইৰাছঃ অসমত আক্ৰান্তৰ সংখ্যা ১৯১ লৈ বৃদ্ধি
অসমত উদ্বেগজনকভাবে বৃদ্ধি পাইছে ক'ৰ'না ভাইৰাছৰ দ্ধাৰা আক্ৰান্তৰ সংখ্যা ৷ শেহতীয়া তথ্য অনুসৰি এই মহামাৰীত আক্ৰান্তৰ সংখ্যা সম্প্ৰতি ১৯১জনলৈ বৃদ্ধি পাইছে ৷ স্বাস্থ্য মন্ত্ৰী হিমন্ত বিশ্ব শৰ্মাই প্ৰকাশ কৰা অনুসৰি কোকৰাঝাৰৰ কোৱাৰেণ্টিং চেণ্টাৰত ভৰ্তি হৈ থকা দুজন লোকৰ শৰীৰত মাৰাত্মক ক'ৰ'না ভাইৰাছৰ উপস্থিতি ধৰা পৰিছে ৷ ফলত এই মহামাৰীত আক্ৰান্তৰ সংখ্যা ১৯১ জনলৈ বৃদ্ধি পাইছে৷ আনহাতে, স্বাস্থ্যমন্ত্ৰীয়ে জনোৱা অনুসৰি ৰাজ্যত ক'ৰ'না মহামাৰীৰ পৰা ৪৮জন লোক সুস্থ হৈছে। অৱশ্যে বৰ্তমানেও অসুস্থ হৈ আছে ১৩৬ জন লোক। তদুপৰি চাৰিজন লোক মৃত্যুমুখত পৰিছে।