ক'ৰ'নাৰ মাজতে পৰ্যটকৰ বাবে পুনৰ মুকলি হ'ল অসমৰ সবাতোকৈ পৰিচ্ছন্ন গাঁও

ক'ৰ'না মহামাৰীৰ পৰিপ্ৰেক্ষিতত পৰ্যটকৰ আগমণ বন্ধ ৰখা ৰাজ্যৰ সবাতোকৈ পৰিচ্ছন্ন গাঁও ৰংছাপাৰা পুনৰ পৰ্যটকৰ বাবে মুকলি হৈছে ৷ আজি শনিবাৰৰ পৰা গাৰো জনগোষ্ঠী বসতিপ্ৰধান গাঁওখন পৰ্যটকৰ বাবে পুনৰ মুকলি কৰা হৈছে ৷ উল্লেখ্য যে ২০১৬-১৭ত গোৱালপাৰা জিলাৰ ৰংছাপাৰা গাঁও অসমৰ সবাতোকৈ পৰিষ্কাৰ-পৰিচ্ছন্ন গাঁওৰূপে ঘোষিত হৈছিল ৷ ক'ৰ'না মহামাৰীৰ ভয়াবহ প্ৰাদুৰ্ভাৱৰ বাবে পৰ্যটকৰ প্ৰৱেশ বন্ধ ৰখা গাঁওখন আজিৰ পৰা গাঁওবাসীয়ে পুনৰ পৰ্যটকৰ বাবে মুকলি কৰিছে ৷

অৱশ্যে ক'ৰ'না ভাইৰাছৰ সম্ভাব্য প্ৰাদুৰ্ভাৱ প্ৰতিৰোধৰ উদ্দেশ্য বিভিন্ন ব্যৱস্থা গ্ৰহণ কৰিছে ৷ গাঁওখনলৈ যিসকল পৰ্যটক যাব, তেওঁলোকৰ বাবে মাস্ক পৰিধান বাধ্যতামূলক কৰা হৈছে ৷ তদুপৰি সামাজিক দূৰত্বৰ নীতি মানি চলিব লাগিব ৷ মেঘালয় সীমান্তত মনোৰম প্ৰাকৃতিক পৰিৱেশৰ মাজত অৱস্থিত এই গাঁৱক ৰাজ্যৰ স্বাস্থ্য বিভাগে অসমৰ ভিতৰতে সবাতোকৈ পৰিষ্কাৰ-পৰিচ্ছন্ন গাঁওৰূপে ঘোষণা কৰে ৷ গাঁওখন পৰিষ্কাৰ-পৰিচ্ছন্ন কৰি ৰখাৰ বাবে গাঁওবাসীক মুখ্যমন্ত্ৰী সৰ্বানন্দ সোণোৱালে পাঁচ লাখ টকাৰে পুৰষ্কৃত কৰিছিল ৷ 

আৰু পঢ়িব পাৰেঃ ড্ৰাগছ সম্বন্ধীয় কথা পতাৰ কথা জেৰাত স্বীকাৰ দীপিকাৰঃ সন্তুষ্ট ন'হল এন চি বি