গ্ৰীণ জ'নলৈ উন্নীত ধুবুৰীঃ আটাইকেইজন ক'ৱিড আক্ৰান্তক চিকিৎসালয়ৰ পৰা অব্যাহতি

গ্ৰীণ জ'নলৈ উন্নীত ধুবুৰীঃ আটাইকেইজন ক'ৱিড আক্ৰান্তক চিকিৎসালয়ৰ পৰা অব্যাহতি

এক স্বস্তিৰ বতৰা! ধুবুৰী জিলাক ক'ৱিড-১৯ অৰেঞ্জ জ'নৰ পৰা গ্ৰীণ জ'নলৈ উন্নীত কৰা হৈছে ৷ জিলাখনত মুঠ পাঁচজন ক'ৰ'না আক্ৰান্ত আছে ৷ ৰোগ চিনাক্তকৰণৰ পাছৰে চিকিৎসাধীন হৈ থকা আটাইকেইজন ৰোগী সুস্থ হোৱাত তেওঁলোকক চিকিৎসালয়ৰ পৰা ঘৰলৈ যাবলৈ দিয়া হৈছে ৷ আনহাতে, এজনৰ পাছত আনজনকৈ ক'ৱিড আক্ৰান্ত চিনাক্ত হোৱাত জিলাখনক ক'ৱিড-১৯ অৰেঞ্জ জ'ন ঘোষণা কৰা হয় ৷ সম্প্ৰতি ক'ৱিড আক্ৰান্ত কেইজন সুস্থ হৈ চিকিৎসালয়ৰ পৰা ঘৰলৈ যোৱাত জিলাখনক আজি শুকুৰবাৰে গ্ৰীণ জ'ন ঘোষণা কৰা হয়। তাৎক্ষণিকভাবে গ্ৰীণ জ'নৰ নীতি-নিয়মাৱলী জিলাখনত প্ৰযোজ্য হৈছে ৷ সেই অনুসৰি দোকান-পোহাৰ খোলা আৰু সাধাৰণ লোকৰ চলা-ফুৰাৰ ক্ষেত্ৰত কেতবোৰ শিথিলতা ঘোষণা কৰা হৈছে ৷ অৱশ্যে চিনেমা হল, শ্বপিং মল, চেলুন আদি বন্ধ থাকিব ৷ জিলা প্ৰশাসনে জাৰি কৰা নিৰ্দেশনা অনুসৰি নিম্নোক্ত দোকান-পোহাৰসমূহ কাইলৈ অৰ্থাৎ ১৫মে'ৰ পুৱা সাত বজাৰ পৰা বিয়লি চাৰি বজালৈ খুলিব পাৰিবঃ

ম'বাইল ফোনৰ দোকান, হাৰ্ডৱেৰ-পেইণ্টিঙৰ দোকান, লোহাৰ দোকান, চৰইকেলৰ দোকান, বৈদ্যুতিক সামগ্ৰীৰ দোকান, যান-বাহনৰ গেৰেজ আদি ৷

আৰু পঢ়িব পাৰেঃ প্ৰধানমন্ত্ৰীৰ কিষাণ সন্মান নিধিত অনিয়ম! চি বি আই তদন্ত দাবী কংগ্ৰেছৰ