আৰু ক'ৰ'না আক্ৰান্ত চিনাক্তঃ পাণবজাৰৰ কণ্টেইনমেণ্ট জ'নৰ পৰিসৰ বৃদ্ধি
গুৱাহাটীৰ পাণবজাৰৰ যিটো অংশক প্ৰশাসনে কণ্টেইনমেণ্ট জ'নৰূপে ঘোষণা কৰিছিল, সেই কণ্টেইনমেণ্ট জ'নৰ পৰিসৰ তথা ম্যাদ বৃদ্ধি কৰা হৈছে। উল্লেখ্য যে পাণবজাৰস্থিত অৰিহন এপাৰ্টমেণ্টত ক'ৰ'না আক্ৰান্ত চিনাক্ত হোৱাত যোৱা ৬ জুনত জিলা প্ৰশাসনে অঞ্চলটোৰ এটা অংশক কণ্টেইনমেণ্ট মণ্ডলৰূপে ঘোষণা কৰে। শেহতীয়াভাবে উক্ত এপাৰ্টমেণ্টত অধিক ক'ৰ'না আক্ৰান্ত চিনাক্ত হৈছে। ইয়াৰ পৰিপ্ৰেক্ষিতত এই কণ্টেইনমেণ্ট মণ্ডলৰ ম্যাদ বৃদ্ধি কৰা হৈছে। কামৰূপ মহানগৰ জিলা উপায়ুক্তই জাৰি কৰা এক নিৰ্দেশ অনুসৰি অহা ৭ দিনৰ বাবে কৰ্ণেল জে আলী ৰোডৰ চিটী ফাৰ্মাচী পইণ্টৰ পৰা লাখটকীয়াৰ ২ নম্বৰ ৰেল গেটলৈ সকলো দোকান-পোহাৰ আৰু ব্যৱসায়িক প্ৰতিষ্ঠান বন্ধ থাকিব। এই নিৰ্দেশ উলংঘাকাৰীৰ বিৰুদ্ধে আইনগত ব্যৱস্থা লোৱা হব বুলি প্ৰশাসনে সকীয়াই দিছে।
এই কণ্টেইনমেণ্ট জ'নৰ চাৰিসীমাঃ
উত্তৰঃ চি কে ৰোড
দক্ষিণঃ পাহাৰীয়া সদন বিল্ডিং
পূবঃ কালিৰাম সদন বিল্ডিং
পশ্চিমঃ এছ চি গোস্বামী পথ ।