৮০ ঘন্টীয়া শাসনৰ পৰা পদত্যাগ কৰিলে ফাড়নাবিছ আৰু অজিত পাৱাৰে । ২৩ নৱেম্বৰ তাৰিখে ৰাতিপুৱা মাত্ৰ ৮০ ঘন্টাৰ পিছত মুখ্যমন্ত্ৰী আৰু উপ মুখ্যমন্ত্ৰীৰ চকী দখলৰ কৰি পদত্যাগ কৰিবলৈ বাধ্য হয় দেৱেন্দ্ৰ ফাড়নাবিছ আৰু অজিত পাৱাৰে । ২৭ তাৰিখ মঙ্গলবাৰে উচ্চতম ন্যায়ালয়ে নিৰ্দেশ দিয়ে যে বুধবাৰে বিয়লি ৫ বজাত বিধানসভাত আস্থা ভোট সম্পন্ন হ'ব আৰু গোপন বেলেট যোগে হ'ব নোৱাৰিব আস্থা ভোট । লগতে টেলিভিছন যোগে পোনপটীয়া সম্প্ৰচাৰ হ'ব আস্থা ভোট ।
মঙ্গলবাৰে সন্ধিয়া হোৱা এক সংবাদ মেলত ফাড়নাবিছে কয় যে, অজিত পাৱাৰে ৰাতিপুৱা তেওঁৰ পদত্যাগ পত্ৰ ফাড়নাবিছৰ হাতত দিয়ে । অজিত পাৱাৰৰ পদত্যাগৰ পিছত তেওঁলোকৰ সংখ্যা গৰিষ্ঠতা নোহোৱা হ'ল । সংখ্যা গৰিষ্ঠতা নাই বাবে ফাড়নাবিছে পদত্যাগ কৰাৰ সিদ্ধান্ত লয় । লগতে মঙ্গলবাৰে ৰাজ্যপালক সাক্ষাৎ কৰি পদত্যাগ পত্ৰ দিব বুলি কয় ফাড়নাবিছে ।
ফাড়নাবিছে মুখ্যমন্ত্ৰী হিচাপে সোমবাৰে ৰাতিপুৱা শাসনভাৰ গ্ৰহন কৰিছিল, কিন্তু অজিত পাৱাৰে শাসন ভাৰ গ্ৰহন কৰা নাছিল আৰু মঙ্গলবাৰে মুখ্যমন্ত্ৰী ফাড়নাবিছৰ হাতত পদত্যাগ পত্ৰ দাখিলৰ সিদ্ধান্ত লৈছিল ।
তেওঁ কয় যে ভাৰতীয় জনতা পাৰ্টীয়ে বিধানসভাত বিৰোধীৰ ভূমিকা পালন কৰি যাব ।ফাড়নাবিছে তেওঁক ৫ বছৰীয়া মুখ্যমন্ত্ৰী কাৰ্যভাৰ গ্ৰহনৰ সুযোগ দিয়াৰ বাবে মহাৰাষ্ট্ৰৰ জনসাধৰণ , প্ৰধান মন্ত্ৰী নৰেন্দ্ৰ মোদী, বি জে পি সভাপতি তথা কেন্দ্ৰীয় গৃহ মন্ত্ৰী অমিত শ্বাহকে ধৰি সকলোকে ধন্যবাদ জ্ঞাপন কৰে।
উচ্চতম ন্যায়ালয়ৰ আদেশৰ পিছতেই দিল্লীত প্ৰধানমন্ত্ৰী নৰেন্দ্ৰ মোদী , কেন্দ্ৰীয় গৃহ মন্ত্ৰী তথা বি জে পিৰ সভাপতি অমিত শ্বাহ আৰু কাৰ্যকৰী সভাপতি জে পি নড্ডা এক বৈঠকত মিলিত হয় । ৩০ মিনিট ধৰি চলা এই বৈঠকত মহাৰাষ্ট্ৰ প্ৰসংগত আলোচনা হয় বুলি সূত্ৰই প্ৰকাশ কৰিছে ।
তদুপৰি বি জে পি আৰু শিৱ সেনাই প্ৰাক নিৰ্বাচনী মিত্ৰতা কৰি নিৰ্বাচনত অনুষ্ঠিত হৈছিল কিন্তু মুখ্যমন্ত্ৰী মন্ত্ৰী কাৰ্যকালৰ আঢ়ৈ বছৰ বিছৰা পিছতেই দল দুটাৰ মাজত সংঘাতৰ সূত্ৰপাত হয়।
অন্য খবৰৰ বাবে পঢ়ক: জেহাদীৰ যোগাযোগৰ তথ্য সম্পূৰ্ণ উন্মোচনৰ দিশে আৰক্ষী..ধাৰাবাহিক জেৰা অব্যাহত
ভিডিঅ প্ৰতক্ষ্য কৰক: Agitated locals protest against deplorable roads, gheraoes circle office in Kathigorah