ক'ৰনা মহামাৰীৰ পৰিপ্ৰেক্ষিতত এইবাৰৰ দশম আৰু উচ্চতৰ মাধ্যমিক চূড়ান্ত বৰ্ষৰ পৰীক্ষা বাতিলৰ আৰ্জিৰে উচ্চতম ন্যায়ালয়ৰ দ্বাৰস্থ হৈছে অসমৰ চাৰিগৰাকী ছাত্ৰ-ছাত্ৰী। প্ৰাপ্ত তথ্য অনুসৰি চাজিন আখতাৰ, তবছুম ৰহমান, জুপিতৰা বৰদলৈ আৰু ইপ্সিতা গগৈ নামৰ এই চাৰিগৰাকী ছাত্ৰ-ছাত্ৰীয়ে দুয়োটা পৰীক্ষা বাতিলৰ দাবীত উচ্চতম ন্যায়ালয়ত লেখ আবেদন দাখিল কৰিছে । ৰাজ্যৰ বৰ্তমানৰ পৰিস্থিতিত ৰাজ্য চৰকাৰে দশম আৰু দ্বাদশ শ্ৰেণীৰ পৰীক্ষা পাতিবলৈ লৈ ছাত্ৰ-ছাত্ৰীৰ জীৱনৰ লগত হেতালি খেলাৰ অভিযোগ উত্থাপন কৰিছে আবেদনকাৰীকেইগৰাকীয়ে।
উল্লেখ্য যে অসমৰ মুখ্যমন্ত্ৰী হিমন্ত বিশ্ব শৰ্মাই অলপতে ঘোষণা কৰে যদি অহা ১ জুলাইলৈ অসমত ক'ৰনাৰ সক্ৰমণৰ হাৰ ২ শতাংশলৈ হ্ৰাস পায়, তেন্তে জুলাইৰ ১৫ৰ পৰা ২০তাৰিখৰ ভিতৰত দুটা বা তিনিটা বিষয়ৰ পৰীক্ষা অনুষ্ঠিত কৰিব । ছাত্ৰৰ কাৰণে পৃথক আৰু ছাত্ৰীৰ কাৰণে পৃথক স্থানত পৰীক্ষা পতাৰো পোষএই চাৰিগৰাকী ছাত্ৰ-ছাত্ৰীয়ে দুয়োটা পৰীক্ষা বাতিলৰ দাবীত উচ্চতম ন্যায়ালয়ত লেখ আবেদন দাখিল কৰিছে । ১৭ জুনত অসমৰ এই শিক্ষাৰ্থীকেইগৰাকীৰ আবেদনৰ শুনানী উচ্চতম ন্যায়ালয়ে গ্ৰহণ কৰিব।