সম্পূৰ্ণ তলাবন্ধঃ অনিৰ্দিষ্ট কাললৈ বন্ধ মিজোৰামৰ লেংপুই বিমানকোঠত
ভয়াবহ ক'ৰ'না মহামাৰীৰ প্ৰাদুৰ্ভাবৰ প্ৰতি লক্ষ্য ৰাখি মিজোৰামৰ ৰাজধানী আইজলস্থিত লেংপুই বিমানকোঠত বিমানৰ উৰণ-অৱতৰণ কাইলৈৰ বিয়লিৰ পৰা অনিৰ্দিষ্ট কাললৈ বন্ধ ঘোষিত হৈছে ৷ কাইলৈ ১০জুনৰ বিয়লি পাঁচ বজাৰ পৰা বিমানকোঠটোত বিমানৰ উৰণ-অৱতৰণ অনিৰ্দিষ্ট কাললৈ বন্ধ থাকিব ৷ চৰকাৰী সূত্ৰ মতে, পৰৱৰ্তী জাননী জাৰিৰ পাচতহে বিমানকোঠটোত বিমানৰ উৰণ-অৱতৰণ আকৌ আৰম্ভ হ'ব ৷ মিজোৰাম চৰকাৰে অহা ৩০জুনলৈকে সম্পূৰ্ণ ল'ক-ডাউন বাহাল ৰাখিছে ৷ ইয়াৰ অংশস্বৰূপে কাইলৈৰ পৰা লেংপুই বিমানকোঠ অনিৰ্দিষ্ট কাললৈ বন্ধ ৰখা হৈছে ৷
আৰু পঢ়িব পাৰেঃ ৰাজ্যৰ বান পৰিস্থিতি উন্নত হ'লেও আক্ৰান্ত হৈ আছে ১২ হেজাৰ লোক