ক'ৰ'না সংকটঃ ২০লাখ কোটি টকাৰ পেকেজ ঘোষণা প্ৰধানমন্ত্ৰীৰ
ক'ৰ'না মহামাৰীয়ে সৃষ্টি কৰা আৰ্থিক মন্দাৰ পৰা দেশবাসীক নিষ্কৃতি দিয়াৰ উদ্দেশ্য প্ৰধানমন্ত্ৰী নৰেন্দ্ৰ মোদীয়ে ২০লাখ কোটি টকাৰ পেকেজ ঘোষণা কৰিছে ৷ ক'ৰ'না মহামাৰী সম্পৰ্কত আজি নিশা ৮বজাত প্ৰধানমন্ত্ৰী দেশবাসীক উদ্দেশ্যি ভাষণ দিয়ে ৷ এই ভাষণৰ সময়তে তেওঁ এই বিপুল ৰাশিৰ ধনৰ পেকেজ ঘোষণা কৰে ৷ ভাষণত মোদীয়ে কয় যে এই ধনৰ দেশৰ প্ৰতিজন দৰিদ্ৰ নাগৰিক, প্ৰতিটো ক্ষুদ্ৰ, মজলীয়া আৰু অতি ক্ষুদ্ৰ উদ্যোগ-প্ৰতিষ্ঠানে লাভ কৰিব ৷ এই ধন আত্মনিৰ্ভৰশীল ভাৰতবৰ্ষ শীৰ্ষক এক আঁচনিৰ অধীনত মুকলি কৰা হ'ব বুলি মোদীয়ে ঘোষণা কৰে ৷ লগতে তেওঁ এই ভয়ংকৰ সংকটৰ সময়ত দেশবাসীক সংকল্পবদ্ধ হৈ থাকিবলৈ আহ্বান জনাই কয়, "ক'ৰ'নাৰ বিৰুদ্ধে আমাৰ ভাৰতৰ জয় নিশ্চিত ৷ অতীততো ভাৰতে এনে বহু সংকট হেলাৰঙে অতিক্ৰম কৰিছে ৷ মোৰ প্ৰিয় দেশবাসী সংকল্পবদ্ধ হৈ থাকক"