ৰাষ্ট্ৰীয় নাগৰিক পঞ্জীৰ শুনানি গ্ৰহণ কৰি আজি উচ্চতম ন্যায়ালয়ে অসম চৰকাৰক এন আৰ চিৰ চুৰান্ত খচৰা ৩১ জুলাইৰ ভিতৰত প্ৰকাশ কৰিবলৈ নিৰ্দেশ দিছে ।
এন আৰ চিৰ সম্বনয়ক গৰাকীয়ে শুনানিৰ সময়ত ন্যায়ালয়ক জনাই যে প্ৰথম খচৰাত নিজৰ নাম অন্তভূক্ত নোহোৱা বহু লোকে পুনৰ আবেদন কৰিছে ।
মুখ্য ন্যায়াধীশ ৰঞ্জন গগৈয়ে সম্বনয়কাৰীক সাহস আৰু নীতিগত ভাৱে ৩১ জুলাইত এন আৰ চিৰ চুৰান্ত খচৰা খন প্ৰকাশ কৰিবলৈ কয় ।
এন আৰ চি প্ৰকাশত বিলম্ব হোৱাৰ লগতে চিনাক্তকৰণ আৰু ডিটেনচন কেম্পত থকা বিদেশী সকলক প্ৰত্যাবৰ্তনৰ ক্ষেত্ৰত বিলম্ব হোৱাত অসম চৰকাৰৰ লগতে কেন্দ্ৰীয় চৰকাৰক সমালোচনা কৰে উচ্চতম ন্যায়ালয়ে ।
ৰাষ্ট্ৰীয় নাগৰিক পঞ্জী উন্নীতকৰণত বৰ্তমান অতি গুৰুত্বপূৰ্ণ পৰ্যায় প্ৰক্ৰিয়া চলি আছে । সোমবাৰৰ পৰা ৰাষ্ট্ৰীয় নাগৰিক পঞ্জীৰ আবেদনৰ শুনানি আৰম্ভ হৈছে ।
২০১৮ চনৰ ৩০ জুলাই প্ৰকাশিত ৰাষ্ট্ৰীয় নাগৰিক পঞ্জীত ৩.২৯ কোটি আবেদন ভিতৰত ৪০.০৭ লাখ লোকৰ নাম অন্তৰ্ভুক্ত হোৱা নাছিল । উল্লেখযোগ্য যে ৪০.০৭ লাখৰ ভিতৰত ৩৬.২ লাখ লোকে ৰাষ্ট্ৰীয় নাগৰিক পঞ্জীৰ চুৰান্ত খচৰাত নিজৰ নাম অন্তৰ্ভুক্ত কৰিবলৈ আবেদন কৰা নাই । ২ লাখ লোকে ৰাষ্ট্ৰীয় নাগৰিক পঞ্জীত ভূল নাম অন্তৰ্ভুক্তিৰ বাবে আবেদন কৰিছে ।
ৰাষ্ট্ৰীয় নাগৰিক পঞ্জীৰ আবেদনৰ শুনানি ১৫ ফেব্ৰুৱাৰীৰ পৰা আৰম্ভ হৈছে । ১০ এপ্ৰিলৰ পৰা ২৪ এপ্ৰিললৈকে লোকসভা নিৰ্বাচনৰ বাবে স্থগিত ৰখা হৈছিল । নিৰ্বাচন শেষ হোৱাৰ পাছত পুনৰ চলি আছে ৰাষ্ট্ৰীয় নাগৰিক পঞ্জীৰ প্ৰক্ৰিয়াৰ কাম ।
অন্য খবৰৰ বাবে পঢ়ক : শীৰ্ষ বাতৰি