জাপানৰ নতুন প্ৰধানমন্ত্ৰীৰূপে নিৰ্বাচিত হৈছে বৰ্তমানৰ প্ৰধানমন্ত্ৰী শ্বিঞ্জ' এবেৰ অনুগামী য়'শ্বিশিদে ছুগা। উল্লেখ্য যে স্বাস্থ্যজনিত কাৰণত যোৱা মাহত প্ৰধানমন্ত্ৰী এবেই পদত্যাগ কৰে ৷ ইয়াৰ পৰিপ্ৰেক্ষিতত নতুন প্ৰধানমন্ত্ৰী নিৰ্বাচিত কৰাৰ প্ৰয়োজন হয় ৷ সেই অনুসৰি দেশখনৰ শাসনাধিষ্ঠিত দলে ছুগাক পৰৱৰ্তী প্ৰধানমন্ত্ৰীৰূপে নিৰ্বাচিত কৰে।
আজি ভোটগ্ৰহণৰ জৰিয়তে ছুগাৰ প্ৰধানমন্ত্ৰিত্ব নিশ্চিত কৰা হয় ৷ জাপান সংসদ ডায়েটৰ নিম্ন সদনত অনুষ্ঠিত ভোটগ্ৰহণত ছুগাই মুঠ ৪৬২টা ভোটৰ ৩১৪টা লাভ কৰে ৷ তেওঁ কেবিনেট সচিবৰূপে কাৰ্যনিৰ্বাহ কৰি আছিল। ছুগাই তেওঁৰ পূৰ্বসুৰী এবেৰ থাকি যোৱা কাম সম্পূৰ্ণ কৰিব বুলি আশা কৰা হৈছে ৷ কাৰণ তেওঁ এবেৰ ঘনিষ্ঠ। আজি বুধবাৰে এবেই তেওঁৰ অন্তিমখন কেবিনেট বৈঠকৰ আয়োজন কৰে।
আৰু পঢ়িব পাৰেঃ ৰাজ্যত ৯৪টা জন কল্যানমূলক প্ৰকল্পৰ কাম আধৰুৱা হৈ ৰ'ল