কেন্দ্ৰীয় সংখ্যালঘু পৰিক্ৰমা মন্ত্ৰী মুখতাৰ আব্বাছ নাভকিয়ে ঈদৰ উপলক্ষ্যে মুছলিম যুৱতী সকলৰ বাবে বিশেষ উপহাৰ কথা প্ৰকাশ কৰে । ঈদৰ উপলক্ষ্যে কেন্দ্ৰীয় মন্ত্ৰী নাভকিৰ ঘৰত ৰাজনাথ সিঙ , নিৰ্মলা সীতাৰমন আৰু ৰবিশংকৰ প্ৰসাদ উপস্থিত আছিল ।
ঈদৰ উপলক্ষ্যে কেন্দ্ৰীয় মন্ত্ৰী মুখতাৰ আব্বাছ নাভকিয়ে ঘোষণা কৰে যে সংখ্যালঘু সকলৰ মুছলিম যুৱতী সকলৰ বাবে ৫ বছৰত ৫ কোটি টকা ঘোষণা কৰিছে । লগতে তেওঁ কয় যে সংখ্যালঘু সকলৰ মুছলিম যুৱতী সকলৰ বাবে ঈদৰ এক বৃহৎ উপহাৰ প্ৰদান কৰা হৈছে । ৫ বছৰত ৫ কোটিৰ স্কলাৰশ্বিপ প্ৰদান কৰা হব বুলি প্ৰকাশ কৰে ।
লগতে তেওঁ কয় যে "ভাৰতখন এখন ফুলৰ বাগিছা। যত জাতি, বৰ্ণ, ধৰ্ম নিৰ্বিশেষে সকলোৱে একেলগে বসবাস কৰে। লগতে সকলোকে ঈদৰ শুভেচ্ছা জ্ঞাপন কৰে কেন্দ্ৰীয় মন্ত্ৰী গৰাকীয়ে ।
লগতে তেওঁ প্ৰকাশ কৰে যে চৰকাৰে ভোটৰ খাতিৰত এই ঘোষণা কৰা নাই । বিজেপি চৰকাৰে সকলোৰে উন্নয়নত বিশ্বাস কৰে । যিসকলে ভোট দিয়া নাই তেওঁলোকৰো উন্নয়ন বিচাৰে চৰকাৰখনে।
এই আচনিৰ যোগেদি মুছলিম সম্প্ৰদায়ৰ যুৱতী সকলৰ শিক্ষাৰ ক্ষেত্ৰত যথেষ্ট সহায়ক হব বুলি প্ৰকাশ কৰে । কেন্দ্ৰীয় আইন মন্ত্ৰী ৰবিশংকৰ প্ৰসাদেও সমগ্ৰ দেশবাসীক ঈদৰ শুভেচ্ছা জনাই|
অন্য খবৰৰ বাবে পঢ়ক :শীৰ্ষ বাতৰি