বিগত সময়ত চৰকাৰী বিদ্যালয় দুৰ্বল শৈক্ষিক প্ৰদৰ্শন কাৰণে সমালোচনাৰ সন্মুখীন হোৱাৰ সময়তে, ৰাজ্য চৰকাৰৰ দ্বাৰা সঞ্চালিত বিদ্যালয়ত শিক্ষা গ্ৰহণ কৰা প্ৰত্যেকগৰাকী ছাত্ৰ ছাত্ৰীক দিছপুৰে প্ৰায় ৮০,০০০ টকা ব্যয় কৰিছে ৷ চৰকাৰী বিদ্যালয়ত ব্যয় কৰা ধনৰ পৰিমাণ ব্যক্তিগত বিদ্যালয়তকৈ অধিক ৷এই সন্দৰ্ভত গুৱাহাটী উচ্চ ন্যায়ালয়ৰ অধীবক্তা জয়ব্ৰত সিন্হাই মহানগৰৰ মুখ্য বিদ্যালয়সমূহত আৰটিআই আবেদন দাখিল কৰে ৷ এই আবেদনখনৰ জৰিয়তে নিৰ্দিষ্ট বিদ্যালয়খনৰ ছাত্ৰ ছাত্ৰীৰ সংখ্যাৰ তথ্য বিষয়ে জনাবলৈ অনুৰোধ কৰে ৷
অধিবক্তা সিন্হাৰ দ্বাৰা প্ৰাপ্ত তথ্যৰ পৰা জানিব পৰা যায় যে ৰাজ্য চৰকাৰে মহানগৰীৰ সোনাৰাম উচ্চতৰ মাধ্যমিক বিদ্যালয়ত ৩.২২ কোটি টকা ব্যয় কৰে ৷ বিদ্যালয়খনৰ ষষ্ঠ আৰু দ্বাদশ শ্ৰেণীলৈকে ৩৮৬ জন ছাত্ৰ ছাত্ৰীৰ ক্ষেত্ৰত ব্যয় কৰে ৮৩,৫৬৮ টকা ৷ কটন কলেজিয়েট গবৰ্নমেন্ট উচ্চতৰ মাধ্যমিক বিদ্যালয় হৈছে ৰাজ্যৰ এখন অগ্ৰণী বিদ্যালয় ৷কিন্তু বিদ্যালয়খন বিগত বৰ্ষসমূহত হাইস্কুল শিক্ষান্ত পৰীক্ষাত দুৰ্বল ফলাফল প্ৰদৰ্শন কৰিছে ৷ বিদ্যালয়খনত সম্প্ৰতি ৫৭২ জন ছাত্ৰ ছাত্ৰী আছে ৷চৰকাৰে বিদ্যালয়খনত প্ৰায় ৩.৮২ কোটি টকা ব্যয় কৰে ৷
গতিকে বিদ্যালয়খনৰ প্ৰতিজন ছাত্ৰৰ নামত ৬৬,৮৭৫ কোটি টকা খৰছ কৰে ৷ অন্যহাতে, আৰ্যবিদ্যাপীঠ উচ্চতৰ মাধ্যমিক বিদ্যালয়ত প্ৰত্যেক জন ছাত্ৰ ছাত্ৰীৰ ক্ষেত্ৰত ৬৩,১৮০ টকা,গোপাল বৰো উচ্চতৰ মাধ্যমিক বিদ্যালয়ত ৪২,৪৯৫ টকা, পানবজাৰ গাৰ্লছ উচ্চতৰ মাধ্যমিক বিদ্যালয়ত প্ৰত্যেক গৰাকী ছাত্ৰীৰ ক্ষেত্ৰত ব্যয় কৰে ৪৪,৩২৩ টকা ৷অধিবক্তা সিন্হাৰ দ্বাৰা দাখিল কৰা আৰটিআই আবেদনখনৰ মাধ্যমেৰে যি তথ্য পোৱা গৈছে সেয়া যথেষ্ট লক্ষ্যনীয় ৷ ইফালে সদৌ অসম ব্যক্তিগত বিদ্যালয়ৰ সভাপতি পংকজ দাসে কয় যে পাঁচখন ব্যক্তিগত বিদ্যালয়ৰ বাহিৰে, মহানগৰীৰ অন্য ব্যক্তিগত বিদ্যালয়ৰ দশম শ্ৰেণীৰ ছাত্ৰৰ ক্ষেত্ৰত ব্যয় কৰা ধনৰ পৰিমাণ ৮০,০০০ তকৈ কম ।
অন্য খবৰৰ বাবে পঢ়ক : শীৰ্ষ বাতৰি