মুখ্যমন্ত্ৰী সৰ্বানন্দ সোনোৱালে বৃহস্পতিবাৰে ঘোষণা হোৱা লোকসভা নিৰ্বাচনৰ ফলাফলত ৰাজ্যখনৰ জনসাধাৰণে দেখুওৱা সমৰ্থনৰ কাৰণে কৃতজ্ঞতা জ্ঞাপন কৰে ৷ মুখ্যমন্ত্ৰী সোনোৱালে কয় যে দেশবাসীয়ে প্ৰধান মন্ত্ৰী মোডীৰ মাজত দেশক সুৰক্ষিত কৰি ৰখাৰ এজন আদৰ্শবাদী নেতা বিচাৰি পাইছে ৷
"সবকা সাথ সবকা বিকাশৰ" শ্ল’গানেৰে প্ৰধানমন্ত্ৰী মোডীয়ে সততা আৰু কঠোৰ পৰিশ্ৰমেৰে ভাৰতীয়সকলৰ মনত দেশভক্তিৰ ভাব পুনৰ জাগ্ৰত কৰিছে ৷ আৰু ভাৰতক এখন দুৰ্নীতি মুক্ত এখন দেশ হিছাপে গঢ়াৰ দিশেৰে আগবঢ়াই নিছে ৷প্ৰধানমন্ত্ৰী মোডীয়ে দেশৰ সুৰক্ষা ব্যৱস্থাক শক্তিশালী কৰিছে ৷ যাৰ দ্বাৰা দেশত শান্তি-সমৃদ্ধি বৃদ্ধি পাইছে ৷
সম্প্ৰতি অৰ্থনৈতিক ক্ষেত্ৰটো দেশ বিকাশৰ পথত আগবাঢ়িছে ৷ উত্তৰ পূবলৈ প্ৰধানমন্ত্ৰী মোডীৰ অৱদানৰ প্ৰসংগ উল্লেখ কৰি মুখ্যমন্ত্ৰী সোনোৱালে কয় যে মোডীয়ে উত্তৰ পূবক বিকাশৰ পথত আগবঢ়াই নিছে ৷ লগতে সোনোৱালে কয় যে উত্তৰ পূবক কংগ্ৰেছে উপেক্ষিত কৰিছিল ৷কিন্তু এন ডি এই উত্তৰ পূবক বিকাশৰ পথত আগবঢ়াই নিছে ৷
উল্লেখযোগ্য যে মুখমন্ত্ৰী সৰ্বানন্দ সোনোৱালে নিৰ্বাচনত জয় লাভ কৰাৰ কাৰণে বিজেপিৰ ৰাষ্ট্ৰীয় সভাপতি অমিত শ্বাহকো ধন্যবাদ জ্ঞাপন কৰে ৷
অন্য খবৰৰ বাবে পঢ়ক : শীৰ্ষ বাতৰি