উজনি অসমৰ গোলাঘাটত সুৰা সেৱন কৰি প্ৰায় ১৫০ জন লোকৰ মৃত্যু হোৱাৰ পিছতে তৎপৰ হৈ উঠিছে আবকাৰী বিভাগ ৷ সুৰা পৰীক্ষণ কৰা সন্দৰ্ভত ৰাজ্যৰ আবকাৰী বিভাগে পুনেস্থিত নেশ্যনেল কেমিকেল লেব’ট’ৰীলৈ (National Chemical Laboratory) এখন পত্ৰ প্ৰেৰণ কৰিছে ৷ আবকাৰী বিভাগে এনচিএলক সুৰাত মেথানল অথবা অন্যান্য বিষাক্ত পদাৰ্থ পৰীক্ষণ কৰা উপযুক্ত এটি কিটৰ ব্যৱস্থা কৰিবলৈ কৈছে ৷যাতে সুৰা পৰীক্ষা কৰা সেই কিট, আবকাৰী বিভাগে আৰক্ষী,জিলাৰ বিষয়া, সুৰাৰ দোকান সমূহত এই বিশেষ কিট বিতৰণ কৰিব পাৰে ৷
লগতে বজাৰটো এই কিট সমূহ সততে উপলব্ধ হোৱাৰ ব্যৱস্থা কৰা হ’ব ৷ কাৰণ,জনসাধাৰণে যাতে নিজৰ ঘৰতে সুৰাসমূহ পৰীক্ষা কৰিব পাৰে ৷ ইফালে দ্য চেন্টিনেলৰ লগত হোৱা কথা বাৰ্তাত আবকাৰী বিভাগৰ এক বিশেষ সূত্ৰৰ ভাষ্য অনুসৰি, ইথানল সুৰাত ব্যৱহাৰ কৰা এক স্পিৰিট ৷ ই মেথানললৈ পৰিৱৰ্তন হয়। গোলাঘাট আৰু যোৰহাট জিলাৰ চাহ বাগান সমূহত সুৰা খাই মৃত্যু হোৱা লোকসকলে সেৱন কৰা সুৰাত অধিক পৰিমাণৰ মেথানল পোৱা গৈছে ৷
উল্লেখ্য যে পাৰম্পৰিক ভাৱে দেশীয় সুৰা অসমৰ চাহ বাগানৰ কিছু অঞ্চলত ব্যৱহাৰ কৰা হয় ৷ আবকাৰী বিভাগ এতিয়াওঁ নিশ্চিত নহয় যে এই ধৰণৰ সুৰাত কেনেধৰণৰ সামগ্ৰী ব্যৱহাৰ কৰা হয় ৷
অধিক খবৰৰ বাবে পঢ়ক : শীৰ্ষ বাতৰি