বিত্তীয় ক্ষেত্ৰখনত দুৰ্নীতি সংঘটিত হোৱা কাৰণ কিছুসংখ্যক লোকৰ বস্তুবাদী জগতখনৰ প্ৰতি আকৰ্ষণ

সাম্প্ৰতিক সময়ত কোনো ধৰণৰ কষ্ট নকৰাকৈ অথবা এটি আৰামদায়ক জীৱনৰ প্ৰতি আকৰ্ষণৰ কাৰণেই সংঘটিত হৈছে সমাজত দুস্কাৰ্য ৷ এই দুস্কাৰ্যসমূহৰ ভিতৰত আছে সততে অসমত সংঘটিত হৈ থকা বেংকসমূহত হোৱা বিত্তীয় খেলিমেলি ৷ শেহতীয়া এক তথ্য অনুসৰি, ব্যুৰো অব ইনভেষ্টিগেশ্যন ইক’ন’মিক অফেন্স অৰ্থাৎ অৰ্থনৈতিক অপৰাধ অনুসন্ধান ব্যুৰো (BIEO )য়ে, প্ৰকাশ কৰে যে ৪৪ টা গোচৰৰ অভিযোগত ৫৬ জন লোক গ্ৰেপ্তাৰ হৈছে ৷ লগতে এই সন্দৰ্ভত ১৫ টা গোচৰ BIEO য়ে ৰজু কৰিছে ৷

কিন্তু বিগত বৰ্ষত এই সংখ্যা চলিত বৰ্ষতকৈ সীমিত আছিল ৷ এই সন্দৰ্ভত BIEO য়ে ২৬ টা গোচৰ এজাহাৰ দাখিল কৰাৰ বিপৰীতে,৩৮ জন লোকক আৰক্ষীয়ে গ্ৰেপ্তাৰ কৰে ৷ ইফালে, বিত্তীয় ক্ষেত্ৰখনৰ বিভিন্ন বিভাগত ঠগ প্ৰৱঞ্চনা ঘটা দেখিবলৈ পোৱা গৈছে ৰাজ্যখনত ৷ ২০১৬-২০১৭ বৰ্ষত অসম আৰক্ষীয়ে ৪,১৯৫ টা গোচৰৰ এজাহাৰ দাখিল কৰে ৷ অন্যহাত, চলিত বিত্তীয় বৰ্ষত আৰক্ষীয়ে এপ্ৰিল মাহলৈকে ১,৬৫৮ টা গোচৰৰ এজাহাৰ দাখিল কৰে ৷

BIEO ৰ এজন বিষয়াই দ্য চেন্টিনেলৰ আগত প্ৰকাশ কৰে যে,সমাজখনৰ কিছুসংখ্যক লোক ভোগবাদী তথা বস্তুবাদী জগতখনৰ প্ৰতি ক্ৰমাণ্বয়ে বাঢ়ি আহা আকৰ্ষণ কাৰণে সমাজত এনেধৰণৰ ঘটনাই প্ৰাধান্য পাইছে ৷ এই ঘটনাত এটা বৃহৎ চক্ৰ জড়িত হৈ থকাৰ লগতে,অধিক সংখ্যক বেংকৰ লেনদেনৰ এজাহাৰ বেংকসমূহৰ পৰাই দাখিল হৈছে ৷

অধিক খবৰৰ বাবে পঢ়ক : শীৰ্ষ বাতৰি