গুৱাহাটীঃ ৰাজ্যৰ ৩৮খন আদৰ্শ বিদ্যালয়ৰ ছাত্ৰ-ছাত্ৰীৰ ওপৰত মাহে ৩০০ টকাকৈ 'বিদ্যালয় উন্নয়ন মাচুল' আৰোপ কৰা আদৰ্শ বিদ্যালয় সংঘৰ সিদ্ধান্তই সৃষ্টি কৰা বিতৰ্কৰ মাজতে ৰাজ্যৰ শিক্ষামন্ত্ৰী সোমবাৰে ড০ ৰানোজ পেগুৱে পুনৰ কয় যে অৰ্থনৈতিকভাৱে বঞ্চিত পৰিয়ালৰ পৰা অহা ৮০ শতাংশ ছাত্ৰ-ছাত্ৰীৰ বাবে এই মাচুল ৰেহাই দিব নোৱাৰি।
সংবাদ মাধ্যমৰ সৈতে হোৱা কথা-বতৰাত পেগুৱে কয়, "ৰাজ্য চৰকাৰে স্থানীয় ভাষা মাধ্যমৰ চৰকাৰী বিদ্যালয়ৰ ছাত্ৰ-ছাত্ৰীক বিনামূলীয়া শিক্ষা প্ৰদান কৰি আছে। আমি কেন্দ্ৰীয় মাধ্যমিক শিক্ষা ব'ৰ্ডৰ অধীনত ইংৰাজী মাধ্যমৰ বিদ্যালয় খোলাৰ সিদ্ধান্ত লৈছিলো।" ফলত আমি এই ইংৰাজী মাধ্যমৰ বিদ্যালয়সমূহৰ ছাত্ৰ-ছাত্ৰীসকলক আন্তঃগাঁথনি আৰু শিক্ষককে ধৰি চিবিএছইৰ নিৰ্দেশনা অনুসৰি সুবিধা প্ৰদান কৰিব লাগিব।চিবিএছইৰ নিৰ্দেশনাত কিছুমান অতিৰিক্ত সুবিধাৰ কথা উল্লেখ আছে আৰু সেইবাবেই আমি ৩০০ টকাৰ এছডিএফ জাপি দিয়াৰ সিদ্ধান্ত লৈছো কিন্তু আমি প্ৰতিখন বিদ্যালয়ৰ ২০ শতাংশ ছাত্ৰ-ছাত্ৰীক ৰেহাই দিছো যিসকল অৰ্থনৈতিকভাৱে বঞ্চিত পৰিয়ালৰ অন্তৰ্গত।"