গুৱাহাটী বন ৰেঞ্জৰ খানাপাৰা বন বিষয়ায়ে অবৈধ বালি ভৰ্তি ট্ৰাক জব্দ কৰে। বন বিষয়া প্ৰহ্লাদ গায়নে বালি ভৰ্তি ট্ৰাক জব্দ কৰে । শুকুৰবাৰে পুৱা ৩.৩০ বজাত দিছপুৰ আৰক্ষী থানাৰ অধিনত বেলতলা চাৰ্ভেৰ পৰা এই বালি ভৰ্তি ট্ৰাক সমুহ জব্দ কৰে ।
সূত্ৰয়ে প্ৰকাশ কৰা মতে ট্ৰাক খন চয়গাঁওৰ কুকুৰমাৰা অঞ্চলৰ দিশৰ পৰা আহিছিল । ট্ৰাক খনৰ নম্বৰ হৈছে - As-01-8012 । ২০১৩ চনৰ নীতি উলংঘা কৰাৰ বাবে জব্দ কৰা হয় ট্ৰাক কেইখন । ট্ৰাক কেইখনৰ প্ৰয়োজনীয় নথিপত্ৰৰ অবিহনে ভৰ্তি বালি কঢ়িয়াই নিছিল ।
উল্লেখযোগ্য যে, ৰাজ্যৰ বিভিন্ন প্ৰান্তত এনেদৰে শিল বালি কঢ়িয়াই নিয়া অবৈধ ট্ৰাক জব্দ কৰা হয় । কিন্তু তাৰ পাছতো অবাধে এনেদৰে শিল বালি ভৰ্তি ট্ৰাক চলাচল কৰি থকা পৰিলক্ষিত হৈছে ।
অধিক খবৰৰ বাবে পঢ়ক : ৰাজ্যিক বাতৰি