লণ্ডনঃ প্ৰায় শতিকাজোৰা ইতিহাসত কোনো ধৰণৰ মেকআপ নকৰাকৈ প্ৰতিযোগিতাত অংশগ্ৰহণ কৰা প্ৰথমগৰাকী বিউটি কুইন হিচাপে পৰিগণিত হৈছে মিছ ইংলেণ্ডৰ এগৰাকী ফাইনেলিষ্ট
দক্ষিণ লণ্ডনৰ ২০ বছৰীয়া কলেজীয়া ছাত্ৰী মেলিছা ৰাউফে সোমবাৰে প্ৰতিযোগিতাখনৰ ছেমিফাইনেলত খালী মুখৰ ৰূপ লোৱাৰ পিছত আগবাঢ়ি যায়। এতিয়া, মুকুটৰ বাবে এই অক্টোবৰত ফাইনেলত অংশগ্ৰহণ কৰিব তাই।
ইউ.কে.ৰ ইণ্ডিপেণ্ডেণ্ট কাকতৰ সৈতে হোৱা এক সাক্ষাৎকাৰত ৰাউফে কয় যে, 'মোৰ বাবে ইয়াৰ বহুত অৰ্থ আছে কিয়নো মই অনুভৱ কৰোঁ যে বিভিন্ন বয়সৰ বহু ছোৱালীয়ে মেকআপ কৰে কাৰণ তেওঁলোকে তেনে কৰিবলৈ হেঁচা অনুভৱ কৰে।
"যদি কোনোবাই নিজৰ ছালত সুখী হয় তেন্তে আমাক মেকআপেৰে মুখখন ঢাকিবলৈ বাধ্য কৰাব নালাগে। আমাৰ ত্ৰুটিবোৰে আমাক আমি যিজন কৰি তোলে আৰু সেইটোৱেই প্ৰতিজন ব্যক্তিক অনন্য কৰি তোলে," তাই লগতে কয়।
"মই কেতিয়াও অনুভৱ কৰা নাছিলো যে মই সৌন্দৰ্য্যৰ মানদণ্ড পূৰণ কৰিছো। শেহতীয়াকৈ মই মানি লৈছো যে মই নিজৰ ছালত ধুনীয়া আৰু সেইবাবেই মই কোনো মেকআপ নকৰাকৈ প্ৰতিযোগিতাত অংশগ্ৰহণ কৰাৰ সিদ্ধান্ত লৈছো।"
মে' মাহত ৰাউফে প্ৰতিযোগিতাখনৰ "বেয়াৰ ফেচ" ৰাউণ্ডৰ পৰা ইনষ্টাগ্ৰামত এখন চেলফি পোষ্ট কৰি লিখিছিল যে তেওঁ "দাগ আৰু অসম্পূৰ্ণতাক আকোৱালি লৈছে"।
মিছ ইংলেণ্ডৰ পৰিচালক এঞ্জি বিজলীয়ে শুকুৰবাৰে চিএনএনক এক বিবৃতিত কয় যে আমি ২০১৯ চনত বেয়াৰ ফেচ টপ মডেল ৰাউণ্ড প্ৰৱৰ্তন কৰিছিলো কাৰণ বেছিভাগ প্ৰতিযোগীয়ে বহুত মেকআপ পিন্ধি অতি সম্পাদনা কৰা ছবি জমা দিছিল আৰু আমি মেকআপৰ আঁৰৰ প্ৰকৃত ব্যক্তিজনক চাব বিচাৰিছিলো ."
আয়োজকসকলৰ মতে, অক্টোবৰত অনুষ্ঠিত হ'বলগীয়া ৰাষ্ট্ৰীয় ফাইনেলত পুনৰ উদং মুখত যোৱাৰ পৰিকল্পনা কৰিছে ৰাউফে।
বিজলীয়ে লগতে কয় যে, আমি তেওঁক মিছ ইংলেণ্ডত শুভকামনা জনাইছো, যেতিয়া বাকী সকলোৱে মেকআপ কৰি আছে তেতিয়া কৰাটো অতি সাহসী কাম কিন্তু তেওঁ যুৱতীসকললৈ এটা গুৰুত্বপূৰ্ণ বাৰ্তা প্ৰেৰণ কৰিছে।