ৰাষ্ট্ৰীয় নাগৰিক পঞ্জী উন্নীতকৰণৰ প্ৰক্ৰিয়াৰ সম্পূৰ্ণ খচৰাত নাম অন্তভূক্ত নোহোৱা লোকসকলৰ, যি সকলে পুনৰ নথিপত্ৰ জমা দিয়া নাই তেওঁলোকৰ বিৰুদ্ধে ব্যৱস্থা গ্ৰহণ কৰিব । এন আৰ চিত নাম অন্তৰ্ভুক্ত কৰিবলৈ পূৰ্বতে এই লোকসকলে নথিপত্ৰ জমা দিছিল ।
গৃহ আৰু ৰাজনৈতিক বিভাগৰ সূত্ৰয়ে জনোৱা মতে সন্দেহজনক ব্যক্তিৰ বিৰুদ্ধে পুনৰ নিৰীক্ষণ কৰা হব । এই সম্পৰ্কত গৃহ আৰু ৰাজনৈতিক বিভাগে সীমান্তৰ অসম আৰক্ষীক ৰাজ্যিক এন আৰ চিৰ পৰামৰ্শদাতাৰ লগত অনুসন্ধান কৰিবলৈ নিৰ্দেশ দিছে ।
পুৰ্বতে নাম অন্তৰ্ভুক্ত কৰিবলৈ আবেদন কৰা লোক সকলে পুনৰ নথিপত্ৰ জমা নিদিয়াৰ বিৰুদ্ধে ব্যৱস্থা গ্ৰহণ কৰিব। আনহাতে উচ্চতম ন্যায়ালয়ে এন আৰ চিৰ যিকোনো তথ্যয়ে কোনো এজেঞ্চীক নিদিবলৈ নিৰ্দেশ দিছে । এন আৰ চিৰ কৰ্তৃপক্ষয়ে এনে ধৰণৰ তথ্য সমুহ দিয়া নাই বুলি প্ৰকাশ কৰে। সেয়েহে সীমান্ত আৰক্ষীৰ লগত এন আৰ চিৰ কতৃপক্ষক তথ্য সমূহ অবগত কৰিলে সন্দেহজনক ব্যক্তিৰ বিৰুদ্ধে চালিজাৰি চাবলৈ সুবিধা হব ।
৩০ জুলাইত প্ৰকাশ পাব লগা এন আৰ চিৰ সম্পূৰ্ণ খচৰাত ৪০.০৭ লাখ লোকৰ নাম অন্তৰ্ভুক্ত হোৱা নাই । ২০১৮ চনত ৩.২৯ কোটি লোকে এন আৰ চিত নাম অন্তৰ্ভুক্ত কৰিবলৈ আবেদন কৰিছিল । সম্পূৰ্ণ খচৰা প্ৰকাশ কৰিছে কৰাৰ পূৰ্বে লোক সকলে নাম অন্তৰ্ভুক্তিৰ আবেদন কৰিব পাৰিব ।
অভিযোগ আৰু আবেদনৰ প্ৰক্ৰিয়া চলি আছে। ৩৬.২ লোকে আবেদন কৰিছে যত ইতিমধ্যে ২ লাখ লোকৰ নাম অন্তৰ্ভুক্ত কৰা হৈছে ।