মংগলবাৰে খাদ্য সুৰক্ষা বিভাগে গুৱাহাটীৰ(Guwahati)ফাচী বজাৰৰ ফল মূলৰ বজাৰৰ পৰা ৫১ কুইন্টল ঔষধ যুক্ত আম নষ্ট কৰে ৷ এই ঘটনাৰ লগত জৰিত পশ্চিম বংগৰ দুজন লোকক আটক কৰে যদিও, তিনিটা ব্যৱসায়ী ঘটনাস্থলীৰ পৰা পলাই যাবলৈ সক্ষম হয় ৷ দৰাচলতে, এই বিষয়টো অতি সাধাৰণ যদিও এনেধৰণৰ ঔষধ যুক্ত ফলে মানুহৰ স্বাস্থ্যৰ ওপৰত ব্যাপক প্ৰভাৱ পেলাই।
এই প্ৰভাৱে কেন্সাৰ আৰু অন্যান্য ৰোগ হ’ব পাৰে ৷ইফালে খাদ্য সুৰক্ষা বিভাগে জব্দ কৰা আম সমূহ কৃত্ৰিম ভাৱে পুৰঠ কৰা ৷ যেতিয়া ফলমূল সমূহ পকিবলৈ এবিধ পদাৰ্থ ব্যৱহাৰ কৰা হয়,তেতিয়া যিকোনো ফল ক্ষিপ্ৰ গতিত পকিবলৈ ধৰে ৷এই ক্ষেত্ৰত হাইড্ৰ’কাৰ্বনৰ দৰে এচিটিলীন, এথিলীনৰ দৰে পদাৰ্থ ব্যৱহাৰ কৰা হয়।
অৱশ্যে কেলচিয়াম কাৰ্বাইড নামৰ এবিধ পদাৰ্থ ফল পকাবৰ কাৰণে ব্যৱহাৰ কৰা হয় ৷ কিন্তু, এই পদাৰ্থবিধ কেৱল ঔদ্যোগিকভাৱে ব্যৱহাৰ কৰিব পাৰে ৷ খাদ্য সুৰক্ষা বিভাগৰ অধিনিয়ম আইন ২০০৬ য়ে কেলচিয়াম কাৰ্বাইড ব্যৱহাৰৰ ক্ষেত্ৰত প্ৰতিবন্ধকতা আৰোপ কৰিছে ৷ কৃত্ৰিম ৰূপেৰে পকোৱা আম সমূহ ভক্ষন কৰাৰ পিছত মানুহৰ ব’মিকে ধৰি বিভিন্ন ধৰণে স্বাস্থ্যৰ ক্ষতি হ’ব পাৰে ৷
লগতে কেন্সাৰৰ দৰে বিভিন্ন ৰোগ হ’ব পাৰে জনতাৰ ৷ উল্লেখ্য যে,ফাচী বজাৰৰ পৰা গ্ৰেপ্তাৰ কৰা পশ্চিম বংগৰ দুজন ব্যৱসায়ী নিৰঞ্জন ৰয় আৰু শ্বেইখ নুৰুল ইছলামক ফাচী বজাৰৰ আৰক্ষী চকীত গতাই দিয়ে ৷
অধিক খবৰৰ বাবে পঢ়ক : ৰাজ্যিক বাতৰি