ধনশিৰি মহকুমা ছাত্ৰ মুক্তি সংগ্ৰাম সমিতি আৰু গোলাঘাট জিলা কমিটিয়ে ধনশিৰি মহকুমাধীপতিৰ কাৰ্যালয়ৰ সন্মুখত অবস্থান ধৰ্মঘটৰ কাৰ্যসূচী ৰূপায়ণ কৰে।
৩৯ নং ৰাষ্ট্ৰীয় ঘাইপথ আৰু ১ নং এছিয়ান ঘাইপথৰ মেৰামতিৰ দাবীত এই প্ৰতিবাদী কাৰ্যসূচী ৰূপায়ণ কৰে। উল্লেখযোগ্য যে এই পথছোৱাৰ দুৰৱস্থাৰ কথা সংবাদ মাধ্যমত বহু বাৰ প্ৰকাশ কৰা হৈছিল । তাৰ পাছত ৩৯ নং ৰাষ্ট্ৰীয় ঘাইপথ আৰু ১ নং এছিয়ান ঘাইপথৰ কিছু অংশ মেৰামতি কৰা হয়। কাৰ্বি আংলং জিলাৰ এই পথছোৱা মেৰামতি কৰাৰ লগতে গোলাঘাট জিলাৰো ৩৯ নং ৰাষ্ট্ৰীয় ঘাইপথ আৰু ১ নং এছিয়ান ঘাইপথৰ কিছু অংশ মেৰামতি কৰা হয়।
গোলাঘাট জিলাৰ ধনশিৰি মহকুমাৰ উৰিয়ামঘাটৰ পথছোৱাৰ কাম ৩ বছৰৰ পূৰ্বে সমাপ্ত হৈছিল যদিও আজি পৰ্যন্ত পথছোৱাৰ উদ্বোধন কৰা নাই । যাব ফলত অসুবিধাৰ সন্মুখীন হৈছে স্থানীয় লোকৰ।
অন্য খবৰৰ বাবে পঢ়ক : ৰাজ্যিক বাতৰি