লোকপ্ৰিয় গোপীনাথ বৰদলৈ আঞ্চলিক মানসিক স্বাস্থ্য প্ৰতিষ্ঠান (LGBRIMH)-ৰ বিষয়েঃ
লোকপ্ৰিয় গোপীনাথ বৰদলৈ আঞ্চলিক মানসিক স্বাস্থ্য প্ৰতিষ্ঠান (LGBRIMH) হৈছে দেশৰ অন্যতম পুৰণি মানসিক ৰোগ চিকিত্সা প্ৰতিষ্ঠান। তেজপুৰস্থিত এই প্ৰতিষ্ঠান ১৮৭৬-ত প্ৰতিষ্ঠা কৰা হয়। এই প্ৰতিষ্ঠানে ৮১ একৰো অধিক ভূমি আগুৰি আছে। ১৮৭৬-ত ব্ৰিটিছৰ শাসনৰ সময়ত এই প্ৰতিষ্ঠান তেজপুৰ পগলা ফাটেকৰূপে প্ৰতিষ্ঠা কৰা হৈছিল। ১৯২২-ত এই প্ৰতিষ্ঠানক তেজপুৰ মানসিক চিকিত্সালয়ৰূপে নামকৰণ কৰা হয়। ১৯৩২-ত এই হাস্পতালত ৰোগীৰ বিচনাৰ সংখ্যা ৭০০ খনলৈ বৃদ্ধি পায়।
স্বাধীনতাৰ পাছত এই হাস্পতালক অসম চৰকাৰৰ অধীনলৈ অনা হয়। ১৯৪৯-ত স্বৰ্গীয় এন চি বৰদলৈ এই হাস্পতালৰ অধীক্ষক হয়। তেওঁৰ কাৰ্যকালত হাস্পতালখনে প্ৰশাসনিক আৰু চিকিত্সা সেৱাৰ ক্ষেত্ৰত উন্নতিৰ মুখ দেখে। ডাঃ বৰদলৈ হৈছে পদ্মশ্ৰী বঁটা প্ৰাপ্ত দেশৰ প্ৰথমগৰাকী মনোৰোগ বিশেষজ্ঞ। ১৯৮৭-ত হাস্পতালখনৰ এটা নতুন বহিঃৰোগ বিভাগৰ গৃহ নিৰ্মাণ কৰা হয়। ১৯৮৯-ত এই হাস্পতালক অসমৰ প্ৰথম মুখ্যমন্ত্ৰী গোপীনাথ বৰদলৈৰ নামেৰে নামকৰণ কৰা হয়। ১৯৯৯-ত হাস্পতালখনক উত্তৰ-পূব পৰিষদলৈ হস্তান্তৰ কৰা হয়। ২০০৭ৰ ১ জুনত এই হাস্পতালক ভাৰত চৰকাৰৰ স্বাস্থ্য আৰু পৰিয়াল কল্যাণ মন্ত্ৰালয়ে গ্ৰহণ কৰে।
লোকপ্ৰিয় গোপীনাথ বৰদলৈ আঞ্চলিক মানসিক স্বাস্থ্য প্ৰতিষ্ঠান (LGBRIMH)-ৰ নিযুক্তি-২০২২ঃ
লোকপ্ৰিয় গোপীনাথ বৰদলৈ আঞ্চলিক মানসিক স্বাস্থ্য প্ৰতিষ্ঠান (LGBRIMH)-এ কনিষ্ঠ অভিযন্তা আৰু গাৰ্ডেন ছুপাৰভাইজৰ নিয়ুক্তিৰ বাবে আবেদন বিচাৰিছে। এই বিষয়ে তলত সবিশেষ তথ্য পাবঃ
প্ৰাৰ্থীসকলে তলত নিৰ্ধাৰিত পদ, বয়সৰ সীমা, দৰমহা, অৰ্হতা আদিৰ সকলো চাকৰিৰ বিৱৰণ চাব পাৰে:
পদৰ নাম | কনিষ্ঠ অভিযন্তা আৰু গাৰ্ডেন ছুপাৰভাইজৰ |
খালী পদসমূহ | ২ টা। |
চাকৰিৰ স্থান | তেজপুৰ, অসম। |
দৰমহা | নিয়ম অনুসৰি। |
আৱেদন গ্ৰহণৰ শেষ তাৰিখ | ১০ ফেব্ৰুৱাৰী, ২০২২। |
বয়সৰ সীমা | ১ ফেব্ৰুৱাৰী, ২০২২-ত সৰ্বোচ্চ ৩২ বছৰ। |
আবেদনৰ মাচুল | নাই। |
শিক্ষাগত অৰ্হতাঃ
কনিষ্ঠ অভিযন্তাঃ চিভিল ইঞ্জিনীয়াৰিঙৰ ডিপ্লমা।
তদুপৰি কেন্দ্ৰীয় বা ৰাজ্যিক চৰকাৰৰ সংস্থাত কাম কৰাৰ এবছৰৰ অভিজ্ঞতা থাকিব লাগিব।
গাৰ্ডেন ছুপাৰভাইজাৰঃ কৃষি/ উদ্যানশস্যৰ ডিপ্লমা। তদুপৰি এবছৰৰ কৰ্ম-অভিজ্ঞতা থাকিব লাগিব।
আবেদনৰ নিয়মঃ The Administrative Officer, LGBRIMH, Tezpur-784001-লৈ আবেদন পত্ৰ প্ৰেৰণ কৰিব লাগিব।
