Top
Begin typing your search above and press return to search.

ভাৰতৰ ভূমিত ওইং কামাণ্ডাৰ অভিনন্দন বাৰ্থামান

ভাৰতৰ ভূমিত ওইং কামাণ্ডাৰ অভিনন্দন বাৰ্থামান

Sentinel Digital DeskBy : Sentinel Digital Desk

  |  2 March 2019 6:18 AM GMT

দেশলৈ উভতিল বীৰ সন্তান অভিনন্দন বাৰ্থামান। ভাৰতৰ বায়ুসেনাৰ ওইং কামাণ্ডাৰ অভিনন্দন বাৰ্থামান দুদিন ধৰি পাকিস্তানৰ জিম্মাত থকাৰ পাছত উৎকন্ঠাৰ অৱসান ঘটাই শুকুৰবাৰে স্বদেশৰ ভূমিত উপস্থিত ওইং কামাণ্ডাৰ । দুদিনৰ পূৰ্বে ওইং কামাণ্ডাৰ অভিনন্দন বাৰ্থামানে পাকিস্তানৰ যুঁজাৰু বিমান F-16 বিমান খন ভূপতিত কৰিবলৈ গৈ ভাৰতৰ মিগ-21 বিমান খন দুৰ্ঘটনাৰ পতিত হৈ বিমান খনৰ ওইং কামাণ্ডাৰ অভিনন্দন বাৰ্থামান পাকিস্তানৰ ভূমিত পেৰাচ্যুতেৰে অবতৰণ কৰিছিল । তাৰ পাছৰে পৰা ওইং কামাণ্ডাৰ গৰাকী পাকিস্তানৰ জিম্মাত আছিল ।

পোছাকত নীলা ৰঙৰ কোট, গেৰুৱা ৰঙৰ পাইজামা, বগা ৰঙৰ চাৰ্ট পৰিধান কৰা পৰিলক্ষিত হৈছিল । নিশা ৯.২১ বজাত ভাৰত- পাক সীমান্ত অতিক্ৰম কৰি ভাৰতৰ ভূমিত প্ৰবেশ কৰে । ভাৰতৰ ভূমিত ভৰি দিয়াৰ লগে লগে ভাৰতীয় সেনা জোৱান সকলে অভিনন্দন বাৰ্থামানক উষ্ম আদৰণি জনায় ।

অমৃতশ্বৰৰ জিলা উপায়ুক্ত শ্বিভদুলাৰ সিং ধিলনে জনোৱা মতে ভাৰতৰ ভূমি ত প্ৰবেশ কৰিয়ে ' নিজৰ ঘৰলৈ ওভতি অহি সুখী ' বুলি অভিনন্দন বাৰ্থামানে প্ৰকাশ কৰে বুলি জনাই । পাকিস্তানৰ দিশত অভিনন্দন বাৰ্থামানৰ লগত কেপ্তেইন জে,ডি কুৰিয়ানৰ লগতে পাকিস্তানৰ সেনা বিষয়াক পৰিলক্ষিত হয় । পাকিস্তানৰ জিম্মাত ৬০ ঘন্টা থকাৰ পাছত ৱাঘা-আট্টাৰি সীমান্তয়েদি জিৰ' লাইনত উপস্থিত হয় অভিনন্দন বাৰ্থামান।

অভিনন্দন বাৰ্থামানক ভাৰতীয় বায়ু সেনাৰ শীৰ্ষ বিষয়া আৰু নিৰাপত্তা বিষয়াই আদৰি আনে অভিনন্দন বাৰ্থামানক । বায়ু সেনাৰ ভাইচ মাৰচেল আৰ, জি, কে কাপুৰে কয় যে ওইং কামাণ্ডাৰ অভিনন্দন বাৰ্থামানক প্ৰয়োজনীয় সকলো প্ৰক্ৰিয়া শেষ কৰি ভাৰতীয় বায়ু সেনাক গটাই দিছে । অভিনন্দন বাৰ্থামানক ঘূৰাই পায় ভাৰতীয় বায়ু সেনা সুখী বুলি প্ৰকাশ কৰে বায়ু ভাইচ মাৰচেলে। লগতে প্ৰকাশ কৰে যে অভিনন্দন বাৰ্থামান অহি পোৱাত বিলম্ব হোৱাৰ বিশেষ কোনো কাৰণ নাই । পাকিস্তানৰ প্ৰধানমন্ত্ৰী ইমৰান খানে বৃহস্পতি বাৰে ওইং কামাণ্ডাৰ অভিনন্দন বাৰ্থামানক ভাৰতক মুকলি কৰি দিব লাগে বুলি প্ৰকাশ কৰিছিল ।

Next Story