Top
Begin typing your search above and press return to search.

অমিত শ্বাহৰ বিৰুদ্ধে গোচৰ তৰাটো গনতন্ত্ৰৰ বাবে প্ৰহসন: ৰাজনাথ সিঙ

অমিত শ্বাহৰ বিৰুদ্ধে গোচৰ তৰাটো গনতন্ত্ৰৰ বাবে প্ৰহসন: ৰাজনাথ সিঙ

Sentinel Digital DeskBy : Sentinel Digital Desk

  |  16 May 2019 6:37 AM GMT

কেন্দ্ৰীয় গৃহ মন্ত্ৰী ৰাজনাথ সিঙে বুধবাৰে প্ৰকাশ কৰে যে পশ্চিম বংগৰ মুখ্যমন্ত্ৰী মমতা বেনাৰ্জী আৰু তেওঁৰ চৰকাৰে বিজেপিৰ নেতা আৰু কৰ্মী সকলক আক্ৰমণ কৰি ক্ষমতাৰ অপব্যৱহাৰ কৰিছে ।

মংগলবাৰে বিজেপিৰ ৰাষ্ট্ৰীয় সভাপতি অমিত শ্বাহৰ ৰোডশ্বত সংঘটিত হিংসাত্মক ঘটনাৰ পিছত কলকাতা আৰক্ষীয়ে অমিত শ্বাহৰ বিৰুদ্ধে গোচৰ তৰাৰ পাছত এই প্ৰতিক্ৰিয়া ব্যক্ত কৰে ৰাজনাথ সিঙে ।

ৰাজ্য খনত ৰাজনৈতিক হিংসাত্মক ঘটনা বৃদ্ধি পোৱাক লৈ ৰাজনাথ সিঙে টুইটাৰ যোগে প্ৰকাশ কৰে কলকাতাৰ হিংসাত্মক ঘটনাৰ কাৰনে বিজেপিৰ ৰাষ্ট্ৰীয় সভাপতি অমিত শ্বাহৰ বিৰুদ্ধে গোচৰ ৰুজু কৰাটো গনতন্ত্ৰৰ বাবে প্ৰহসন ।

লগতে তেওঁ কয় যে পশ্চিম বংগ চৰকাৰে গনতন্ত্ৰৰ ক্ষমতাৰ অপব্যৱহাৰ কৰিছে । নেতা আৰু কৰ্মীক ভয় দেখুৱাবলৈ কৰা এই প্ৰচেষ্টা অতি দুৰ্ভাগ্যজনক ।

ৰাজনৈতিক হিংসাত্মক ঘটনা সমুহৰ বৃদ্ধিত উদ্বেগ প্ৰকাশ কৰি সাধাৰণ নিৰ্বাচনৰ সময় আইন শৃংখলা জনিত অবনতি ঘটিছে বুলি প্ৰকাশ কৰিছে ।

আইন- শৃংখলা বজাই ৰখাটো ৰাজ্য চৰকাৰ আৰু মুখ্যমন্ত্ৰীৰ প্ৰাৰম্ভিক দায়িত্ব । পশ্চিম বংগৰ চৰকাৰ আৰু মুখ্যমন্ত্ৰীয়ে এনে হিংসাত্মক পৰিস্থিতি বাবে দায়ী বুলি প্ৰকাশ কৰে ৰাজনাথ সিঙে ।

অধিক খবৰৰ বাবে পঢ়ক : শীৰ্ষ বাতৰি

Next Story