Top
Begin typing your search above and press return to search.

অসম প্ৰদেশ কংগ্ৰেছ কমিটীৰ তিনিজন নৱ নিৰ্বাচিত সাংসদক সম্বৰ্দ্ধনা জ্ঞাপন

অসম প্ৰদেশ কংগ্ৰেছ কমিটীৰ তিনিজন নৱ নিৰ্বাচিত সাংসদক সম্বৰ্দ্ধনা জ্ঞাপন

Sentinel Digital DeskBy : Sentinel Digital Desk

  |  27 May 2019 8:02 AM GMT

অসম প্ৰদেশ কংগ্ৰেছ কমিটীয়ে দেওবাৰে ৰাজীৱ ভৱনত হোৱা এক অনুষ্ঠানত তিনিজন নৱ নিৰ্বাচিত সাংসদক সম্বৰ্দ্ধনা জ্ঞাপন কৰে ৷ নৱ নিৰ্বাচিত সাংসদৰ ভিতৰত আছে ক্ৰমে কলিয়াবৰৰ গৌৰৱ গগৈ,বৰপেটাৰ আব্দুল খালেক আৰু নগাঁৱৰ প্ৰদ্যুত বৰদলৈ ৷

অনুষ্ঠানত অংশ গ্ৰহণ কৰি অসম প্ৰদেশ কংগ্ৰেছ কমিটীৰ সভাপতি ৰিপুন বৰাই কয় যে লোকসভা নিৰ্বাচনৰ ফলাফলত কংগ্ৰেছে আশা কৰা ধৰণৰ ফলাফল লাভ নকৰিলেও,ভৱিষ্যতে দলৰ কৰ্মকৰ্তাসকলে নতুন উদ্যমেৰে কাম কৰিব ৷ ইফালে অনুষ্ঠানটিৰ পিছত ৰিপুন বৰাই কয় যে কংগ্ৰেছৰ কাৰ্যনিৰ্বাহক কমিটীয়ে দলৰ পৰিৱৰ্তনৰ কাৰণে সকলো ধৰণৰ আঁচনি তৈয়াৰ কৰিব ৷ কলিয়াবৰত দ্বিতীয়বাৰৰ কাৰণে জয় লাভ কৰা গৌৰৱ গগৈয়ে কয় যে নিজৰ সমষ্টিটোৰ উন্নয়নৰ কাৰণে সকলো কাম কৰিব ৷

লগতে সংসদত অসমৰ জলন্ত সমস্যাসমূহক উত্থাপন কৰাৰ কথাও উল্লেখ কৰে ৷ অন্যহাতে,বৰপেটাৰ আব্দুল খালেকে মন্তব্য কৰে যে বৰপেটাক ঐতিহাসিক সত্ৰ নগৰী হিচাপে গঢ়ি তুলিবলৈ চেষ্টা কৰিব ৷ উল্লেখ্য যে এই অনুষ্ঠানত কংগ্ৰেছৰ জেষ্ঠ্য নেতা ড° ভূমিধৰ বৰ্মন,দেবব্ৰত শইকীয়াৰ লগতে দলৰ অন্যান্য নেতা সকলো উপস্থিত আছিল ৷

অধিক খবৰৰ বাবে পঢ়ক : ৰাজ্যিক বাতৰি

Next Story